varthabharthi

ಜನ ಜನಿತ

ನಾ ಮೆಚ್ಚಿದ ಕವಿತೆ

ವಾರ್ತಾ ಭಾರತಿ : 21 Feb, 2016
-ಡಾ. ಎಂ.ಅಕಬರ್ ಅಲಿ

ನಾ ಮೆಚ್ಚಿದ ಕವಿತೆ
ಈ ಇಲ್ಲಿ ಹುಟ್ಟಿದವಳೆ
ಆದರೂ ಇವಳಲ್ಲಿದೆ
ಅಪರೂಪದ ಒಂದು ಕಳೆ, ಸೆಳೆ!

ರಕ್ತಮಾಂಸತುಂಬಿದಂಗಾಂಗದ
ಈ ಬಿನ್ನಾಣಗಿತ್ತಿಯ ಅಡಿ
ಈ ಮಣ್ಣು ನೆಲದಲ್ಲೇ ತಣ್ಣಗೋಡಾಡಿದರೂ,
ನಕ್ಷತ್ರಮಾಲೆಯ ಸೂಡಿ ಮುಗಿಲಲ್ಲಿ ಮೆರೆದಿಹುದಿವಳ ಮುಡಿ...
ನನ್ನ ಕಣ್ಮನಗಳಿಗೆ ಬೀರಿ ಮಾಯಾ-ಮೋಡಿ!

ಈ ಇವಳ ಬಟ್ಟಲಗಣ್ಣು,
ಆ ಕಲ್ಪವೃಕ್ಷದ ಹಣ್ಣು!

ಈ ಇವಳ ತುಂಬಿದೆದೆ
ಒಡ್ಡರ್ಹೆಣ್ಣಿನ ಹಾಗೆ ತೆರೆದ ಅಂಗಡಿ ಅಲ್ಲ ;
ಘೋಷಾದ ಹೆಣ್ಣಿನ ತೆರದಿ ಬರೇ ಗೊಂಗಡಿಯೂ ಅಲ್ಲ
ಈ ಇದರದು, ಇದರದೇ ಆದ ಥಾಟ!

ತೆರೆದೂ ತೆರೆದಿರದ, ಮುಚ್ಚಿಯೂ ಮುಚ್ಚಿರದ ಅರೆಮರೆವು ಮಾಡುವ ಮಾಟ!
ಕಾಮಧೇನುವಿನ ಕೆಚ್ಚಲೇ ಥೇಟ!

ಅದಕೆ ನಾನೆನ್ನುವದು
ನಾ ಮೆಚ್ಚಿದ ಈ ಕವಿತೆ
ಈ ಲೋಕದವಳೇ ಆದರೂ
ಲೋಕಾತೀತೆ !
 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)

ಇನ್ನಷ್ಟು ಜನ ಜನಿತ ಸುದ್ದಿಗಳು