ಬೆಳ್ಳಿತೆರೆಯಲ್ಲಿ ಕಾಜಲ್ ಗೆ 25 ವರ್ಷ
ಬಾಲಿವುಡ್ನ ಪ್ರತಿಭಾವಂತ ನಟಿ ಕಾಜೋಲ್ಳ ಚಿತ್ರಬದುಕಿಗೆ ಈಗ 25 ವರ್ಷ ತುಂಬಿದೆ. ಆದಾಗ್ಯೂ ಬಾಲಿವುಡ್ ಪ್ರೇಕ್ಷಕರಿಗೆ ಈ ನಟಿಯ ಮೇಲಿನ ಅಭಿಮಾನ ಇನ್ನೂ ಕಡಿಮೆಯಾಗಿಲ್ಲ. 1992ರಲ್ಲಿ ‘ಬೇಖುದಿ’ ಎಂಬ ರೋಮ್ಯಾಂಟಿಕ್ ಚಿತ್ರದ ಮೂಲಕ ಬಾಲಿವುಡ್ ಪ್ರವೇಶಿಸಿದ ಈ ನಟಿಗೆ ಈಗ 42 ವರ್ಷ. ಮೊದಲ ಚಿತ್ರದಲ್ಲಿ ಉದಯೋನ್ಮುಖ ನಟ ಕಮಲ್ಸದಾನ್ಹಾ ಜೊತೆ ನಟಿಸಿದ ಕಾಜಲ್ ಆನಂತರ ಹೆಚ್ಚುಕಮ್ಮಿ ಬಾಲಿವುಡ್ನ ಎಲ್ಲಾ ಸೂಪರ್ಸ್ಟಾರ್ಗಳ ಜೊತೆ ಅಭಿನಯಿಸಿದ್ದಾಳೆ. ಗತಕಾಲದ ಜನಪ್ರಿಯ ಹಿಂದಿ ನಟಿ ತನುಜಾ ಹಾಗೂ ನಿರ್ಮಾಪಕ-ನಿರ್ದೇಶಕ ಶೋಮು ದಂಪತಿಯ ಪುತ್ರಿಯಾದ ಕಾಜಲ್ಗೆ ಜನಪ್ರಿಯತೆಯ ತುತ್ತತುದಿ ಯಲ್ಲಿರುವಾಗಲೇ ಅಜಯ್ ದೇವ್ಗನ್ ಜೊತೆ ವಿವಾಹವಾಗಿದ್ದರು.
ಕಾಜಲ್-ಶಾರುಖ್ ಜೋಡಿ ಬಾಲಿವುಡ್ನ ಅತ್ಯಂತ ಜನಪ್ರಿಯ ತಾರಾ ಜೋಡಿಯೆನಿಸಿದೆ.ಶಾರುಖ್- ಕಾಜಲ್ ಜೊತೆಯಾಗಿ ನಟಿಸಿದ್ದ ಬಾಜಿ ಗಾರ್, ದಿಲ್ವಾಲೆ ದುಲ್ಹನಿಯಾ ಲೇಜಾಯೆಂಗೆ, ಕುಚ್ಕುಚ್ ಹೋತಾಹೈ, ಕಭಿಕುಶಿಕಭಿಗಮ್, ಮೈ ನೇಮ್ ಇಸ್ ಖಾನ್ ಭರ್ಜರಿ ಯಶಸ್ಸು ಕಂಡಿವೆ.ಕಾಜಲ್ ಇತರ ನಾಯಕರ ಜೊತೆ ಅಭಿನಯಿಸಿದ ಚಿತ್ರಗಳೂ ಕೂಡಾ ಬಾಕ್ಸ್ ಆಫೀಸ್ನಲ್ಲಿ ಜಯಭೇರಿ ಬಾರಿಸಿವೆ. ಶಾರುಖ್ರ ಚಿತ್ರ ಬದುಕಿಗೂ ಈ ವರ್ಷದ ಜೂನ್ 25ರಂದು 25 ವರ್ಷಗಳು ತಂಬಿವೆ.
ಗುಪ್ತ್, ದುಶ್ಮನ್, ಫನಾ, ಹಂ ಅಪ್ ಕೆ ದಿಲ್ ಮೆ ರಹತೆ ಹೈ, ಹಾಗೂ ಪ್ಯಾರ್ ತೋ ಹೊನಾಯಿ ಥ ಮತ್ತಿತರ ಚಿತ್ರಗಳಲ್ಲಿ ಕಾಜಲ್ ಅವರ ಹೃದಯಸ್ಪರ್ಶಿ ಅಭಿನಯ ಚಿತ್ರರಸಿಕರ ಮನಗೆದ್ದಿದೆ. ಇತ್ತ ತಮಿಳಿನಲ್ಲಿಯೂ ಕಾಜಲ್ ತನ್ನ ಅದೃಷ್ಟ ಪರೀಕ್ಷಿಸಿ ಯಶಸ್ವಿಯಾಗಿದ್ದರು. 1997ರಲ್ಲಿ ಬಿಡುಗಡೆಯಾದ ‘ಮಿನ್ಸಾರ ಕನ’ವು ಚಿತ್ರ ಈಗಲೂ ತಮಿಳು ಪ್ರೇಕ್ಷಕರ ಮನದಲ್ಲಿ ಹಸಿರಾಗಿದೆ. ಇದೀಗ ಅದೇ ಸವಿನೆನಪಿನೊಂದಿಗೆ ಕಾಜಲ್ ಮತ್ತೊಮ್ಮೆ ತಮಿಳುಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಧನುಷ್ ಅಭಿನಯದ ವಿಐಪಿ 2 ಕಾಮಿಡಿ-ಡ್ರಾಮಾ ಚಿತ್ರದಲ್ಲಿ ನಾಯಕಿಯಾಗಿ ಆಕೆ ನಟಿಸುತ್ತಿದ್ದಾರೆ. ರಜನಿಪುತ್ರಿ ಸೌಂದರ್ಯಾ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಅಮಲಾ ಪೌಲ್, ವಿವೇಕ್, ಶರಣ್ಯ ಪೊನ್ವನ್ನನ್ಹಾಗೂ ಸಮುದ್ರಕಣಿ ಈ ಚಿತ್ರದಲ್ಲಿದ್ದಾರೆ. 42 ವರ್ಷದ ಕಾಜಲ್ ಈಗಲೂ ನಾಯಕಿಯಾಗಿ ಮಿಂಚುತ್ತಿರುವುದು, ಪ್ರತಿಭೆಗೆ ವಯಸ್ಸು ಅಡ್ಡಿಯಲ್ಲ ಎನ್ನುವುದಕ್ಕೆ ಒಂದು ಉತ್ತಮ ನಿದರ್ಶನವಾಗಿದೆ.