varthabharthi

ಓ ಮೆಣಸೇ

ಓ ಮೆಣಸೇ...

ವಾರ್ತಾ ಭಾರತಿ : 4 Dec, 2017
ಪಿ.ಎ.ರೈ

  ಸೆಕ್ಯುಲರ್ ಪದ ಕೇಳಿದರೆ ಕೇಂದ್ರ ಸಚಿವ ಅನಂತ ಕುಮಾರ್ ಬೆಚ್ಚಿಬೀಳುತ್ತಾರೆ - ಚಂದ್ರಶೇಖರ ಪಾಟೀಲ, ಸಾಹಿತಿ
‘ಸಂವಿಧಾನ’ದ ಪದ ಕೇಳಿದರೆ ಬೆಚ್ಚಿ ಬೀಳುತ್ತಾರೆ ಎಂದ ಮೇಲೆ ಇದರಲ್ಲಿ ವಿಶೇಷ ಏನಿದೆ?

---------------------
  ಭಾರತ ವಿಶ್ವಗುರು ಆಗುವುದರಲ್ಲಿ ಸಂಶಯವಿಲ್ಲ- ಸದಾನಂದ ಗೌಡ, ಕೇಂದ್ರ ಸಚಿವ
ನಿಮ್ಮಂಥವರೆಲ್ಲ ಸೇರಿದರೆ ಭಾರತ ಕಳ್ಳರ ಗುರು ಆಗುವ ಅಪಾಯವಿದೆ.
---------------------
  ಉಗ್ರವಾದದಿಂದ ಮಾನವತೆಗೆ ಅಪಾಯ- ನರೇಂದ್ರಮೋದಿ, ಪ್ರಧಾನಿ
ಆರೆಸ್ಸೆಸ್ ಗೆಳೆಯರಿಗೆ ಕಿವಿ ಮಾತು.

---------------------
  ಪ್ರಧಾನಿ ಮೋದಿ ಹುಲಿ - ಮುಖ್ಯಮಂತ್ರಿ ಸಿದ್ದರಾಮಯ್ಯ ಇಲಿ -ಶೋಭಾ ಕರಂದ್ಲಾಜೆ, ಸಂಸದೆ
ಮನುಷ್ಯರನ್ನು ಹುಲಿ, ಇಲಿ ಎಂದು ಗುರುತಿಸುವುದನ್ನು ಬಿಟ್ಟು ಬಿಡಿ. ಹುಲಿಗಳಿಗೆ, ಇಲಿಗಳಿಗೆ ಅವಮಾನಿಸದಿರಿ.

---------------------
  ಗುಜರಾತ್ ವಿಧಾನ ಸಭಾ ಚುನಾವಣೆಯಲ್ಲಿ ಎಲ್ಲಾ ಜಾತಿವಾದಿ ನಾಯಕರು ಮುಳುಗಲಿದ್ದಾರೆ - ವಿಜಯ ರೂಪಾಣಿ ,ಗುಜರಾತ್ ಮುಖ್ಯಮಂತ್ರಿ
ಹೆಣಗಳು ತೇಲುವುದು ಸಹಜ.

---------------------
  ಗುಜರಾತ್‌ನಲ್ಲಿ ಬಿಜೆಪಿಯನ್ನು ಸೋಲಿಸುವ ಅಭ್ಯರ್ಥಿಗೆ ಮತ ಹಾಕಿ - ಅರವಿಂದ್ ಕೇಜ್ರಿವಾಲ್, ದಿಲ್ಲಿ ಮುಖ್ಯಮಂತ್ರಿ
ಗುಜರಾತನ್ನು ಗೆಲ್ಲಿಸುವ ಅಭ್ಯರ್ಥಿಗೆ ಮತ ಹಾಕಿದರೂ ಸಾಕು!
---------------------
  ಸಾಹಿತ್ಯ ಸಮ್ಮೇಳನ ಮತಕೇಳುವ ವೇದಿಕೆಯಲ್ಲ - ಅನಂತ ಕುಮಾರ್, ಕೇಂದ್ರ ಸಚಿವ
ಅದಕ್ಕಾಗಿ ಧರ್ಮಸಂಸದ್‌ನಲ್ಲಿ ವ್ಯವಸ್ಥೆಯಿದೆ ಅಂತೀರಾ?
---------------------
  ಭಾರತೀಯ ಮುಸ್ಲಿಮರೆಲ್ಲ ಶ್ರೀರಾಮನ ವಂಶಸ್ಥರು - ಗಿರಿರಾಜ್ ಸಿಂಗ್, ಕೇಂದ್ರ ಸಚಿವ
ಮತ್ತೆ ತಾವು ರಾವಣನ ವಂಶದವರಾ?
---------------------
  ಕಾಂಗ್ರೆಸ್‌ನ ಪ್ರತಿಯೊಬ್ಬ ಕಾರ್ಯಕರ್ತರು ಇಂದಿರಾ ಗಾಂಧಿಯ ಆದರ್ಶವನ್ನು ಮೈಗೂಡಿಸಿಕೊಳ್ಳಬೇಕು - ಪ್ರಮೋದ್ ಮಧ್ವರಾಜ್, ಸಚಿವ
ಮತ್ತು ತಮಗೆ ಮಾತ್ರ ಪೇಜಾವರ ಶ್ರೀಗಳು ಆದರ್ಶವೇ?
---------------------
  ನಾನು ಮೀಸಲಾತಿ ವಿರೋಧಿಯಲ್ಲ - ವಿಶ್ವೇಶ ತೀರ್ಥ ಸ್ವಾಮೀಜಿ, ಪೇಜಾವರ ಮಠ
ಬಹುಶಃ ಮನು ನೀಡಿರುವ ಮೀಸಲಾತಿಯ ಕುರಿತಂತೆ ಹೇಳುತ್ತಿರಬೇಕು.

---------------------
  ಕೋಮುವಾದಿ ಶಕ್ತಿಗಳನ್ನು ಮಟ್ಟಹಾಕಲು ಸರಕಾರ ಶೀಘ್ರ ಕಾನೂನು ತರಲಿದೆ - ಯು.ಟಿ ಖಾದರ್, ಸಚಿವ
ಇನ್ನೂ ಕಾನೂನು ತರುವ ಹಂತದಲ್ಲೇ ಉಳಿದಿದ್ದೀರಿ. ಸದ್ಯಕ್ಕೆ ಜಾತ್ಯತೀತ ಶಕ್ತಿಗಳನ್ನು ಮಟ್ಟ ಹಾಕಲು ಈಗಾಗಲೇ ಕೇಂದ್ರ ಕಾನೂನು ಜಾರಿಗೊಳಿಸಿ ಆಗಿದೆ.

---------------------
  ಚಂಪಾ ಬಾಯಿಬಿಟ್ಟರೆ ಮೂತ್ರ ವಾಸನೆ ಬರುತ್ತದೆ -ಪ್ರತಾಪ ಸಿಂಹ, ಸಂಸದ
ಬಾಯಿಯೆಂದು ತಪ್ಪು ತಿಳಿದು, ಎಲ್ಲೆಲ್ಲೋ ಮೂಸಿದರೆ ಹೀಗೆ ಆಗುತ್ತದೆ.

---------------------
  ಚಹಾ ಮಾರಿದ್ದೇನೆ ಆದರೆ, ದೇಶವನ್ನು ಮಾರಿಲ್ಲ -ನರೇಂದ್ರಮೋದಿ, ಪ್ರಧಾನಿ
ಪುಕ್ಕಟೆ ಹಂಚಿ ಬಿಟ್ಟಿದ್ದೀರಿ.

---------------------
  ಜೆಡಿಎಸ್ ಗೆದ್ದರೆ ದಲಿತ, ಮುಸ್ಲಿಮರಿಗೆ ಉಪ ಮುಖ್ಯಮಂತ್ರಿ ಪಟ್ಟ - ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ಮುಖ್ಯಮಂತ್ರಿ ಪಟ್ಟವೇಕೆ, ದಲಿತರಿಗೆ, ಮುಸ್ಲಿಮರಿಗೆ ಒಪ್ಪುವುದಿಲ್ಲವೇ?
---------------------
  ಚಂಪಾ ಸಿಎಂ ಚಂಚಾ - ಕೆ.ಎಸ್. ಈಶ್ವರಪ್ಪ, ಬಿಜೆಪಿ ನಾಯಕ
ಅವರು ಚಮಚಾ. ನೀವು ಆರೆಸ್ಸೆಸ್‌ನ ಬಾಳೆಯೆಲೆ. ಅಷ್ಟೇ ವ್ಯತ್ಯಾಸ.

---------------------
  ಅನಿತಾ ಕುಮಾರಸ್ವಾಮಿ ಮತ್ತು ನನ್ನದು ಅಣ್ಣ, ತಂಗಿ ಬಾಂಧವ್ಯ - ಡಿ.ಕೆ. ಶಿವಕುಮಾರ್, ಸಚಿವ
ಬಾವನ ಜೊತೆಗಿರುವ ನಿಮ್ಮ ಸಂಬಂಧವೇ ಚರ್ಚೆಯ ವಿಷಯ. ಬದುಕು ಪರಿಪೂರ್ಣ ಅಂದುಕೊಳ್ಳುವುದು ಬರೀ ಭ್ರಮೆ - ಬಾಬಾ ರಾಮ್‌ದೇವ್, ಯೋಗ ಗುರು
ಭ್ರಮೆಗಳನ್ನೇ ಮಾರುಕಟ್ಟೆ ಮಾಡಿಕೊಂಡು ಮಾರುತ್ತಿರುವವರು ತಾವಲ್ಲವೇ?
---------------------
  ಎಮ್ಮೆ ಕರುಹಾಕಿದರೂ ಅದು ನಮ್ಮ ಸಾಧನೆ ಎನ್ನುತ್ತಿದೆ ಸಿದ್ದು ಸರಕಾರ - ಅನಂತ ಕುಮಾರ್ ಹೆಗಡೆ, ಕೇಂದ್ರ ಸಚಿವ
ರೈತನ ಹಟ್ಟಿಯಲ್ಲಿ ಎಮ್ಮೆ ಕರು ಹಾಕುವುದೂ ಒಂದು ಸಂಭ್ರಮದ ವಿಷಯವೆನ್ನುವುದು ನಿಮಗೆ ಗೊತ್ತೇ?
---------------------
  ಪ್ರಧಾನಿ ಮೋದಿ ಬದುಕೇ ಬದಲಾವಣೆಯ ಸಂಕೇತ - ಇವಾಂಕಾ ಟ್ರಂಪ್, ಡೊನಾಲ್ಡ್ ಟ್ರಂಪ್ ಪುತ್ರಿ
ಬದಲಾವಣೆ ಅಮೆರಿಕದ ಪಾಲಿಗಿರಬೇಕು.

---------------------
  ರಾಜ್ಯ ರಾಜಕೀಯದಲ್ಲಿ ಆಸಕ್ತಿ ಇಲ್ಲ - ರಮ್ಯಾ, ಮಾಜಿ ಸಂಸದೆ
ಕೇಂದ್ರದ ದೊಡ್ಡ ಹುದ್ದೆಯ ಮೇಲೆಯೇ ಕಣ್ಣಿಟ್ಟಿದ್ದೀರಿ ಬಿಡಿ.

---------------------
  ರಾಜ್ಯದಲ್ಲಿ ಕುಮಾರಸ್ವಾಮಿ ಪರ ಅಲೆ ಎದ್ದಿದೆ -ದೇವೇಗೌಡ, ಮಾಜಿ ಪ್ರಧಾನಿ
ಅದು ಒಖಿ ಚಂಡಮಾರುತವಾಗಿ ಜೆಡಿಎಸ್‌ನ್ನು ಧೂಳೀಪಟ ಮಾಡದಿದ್ದರೆ ಸಾಕು.

---------------------
  ಅಮಿತಾಭ್ ಬಚ್ಚನ್‌ಗಿಂತ ಮೋದಿ ಉತ್ತಮ ನಟ - ರಾಹುಲ್ ಗಾಂಧಿ, ಕಾಂಗ್ರೆಸ್ ಉಪಾಧ್ಯಕ್ಷ
ತಾವೇನು ಕಮ್ಮಿಯೇ? ಮಾಸ್ಟರ್ ಮಂಜುನಾಥ್‌ಗಿಂತ ಉತ್ತಮ ಬಾಲನಟ.

--------------------
  ಭಯೋತ್ಪಾದಕರಿಗೆ ಧರ್ಮವೂ ಇಲ್ಲ, ಜಾತಿಯೂ ಇಲ್ಲ - ವೆಂಕಯ್ಯ ನಾಯ್ಡು, ಉಪರಾಷ್ಟ್ರಪತಿ
ಧರ್ಮ, ಜಾತಿಯ ಆಚೆಗೆ ದೇಶಭಕ್ತರೆಂಬ ಮುಖವಾಡದಲ್ಲಿ ಓಡಾಡುತ್ತಿದ್ದಾರೆ.

---------------------
  ನನಗೆ ಪ್ರಧಾನಿ ಮೋದಿ ಆಪ್ತ, ಮುಖ್ಯಮಂತ್ರಿ ಸಿದ್ದರಾಮಯ್ಯ ಪರಮಾಪ್ತ - ಆರ್.ವಿ. ದೇಶಪಾಂಡೆ, ಸಚಿವ
ಎರಡು ತಲೆಯ ಹಾವು ಎಂದು ಕರೆಯುತ್ತಾರೆ ಇಂಥವರನ್ನು.

---------------------
  ಕಾಂಗ್ರೆಸ್ ಸೂಜಿದಾರ ಇದ್ದಂತೆ, ಮೋದಿ ಬಿಜೆಪಿ ಕತ್ತರಿ ಇದ್ದಂತೆ - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ನಾಯಕ
ಒಟ್ಟಿನಲ್ಲಿ ಕತ್ತರಿ, ಸೂಜಿಗಳೇ ದೇಶವನ್ನು ಆಳುತ್ತಿರುವುದು. ಚುಚ್ಚಿಸಿಕೊಳ್ಳುತ್ತಿರುವ ಜನಸಾಮಾನ್ಯರ ಕರ್ಮ. 
 

 

Comments (Click here to Expand)

ಇನ್ನಷ್ಟು ಓ ಮೆಣಸೇ ಸುದ್ದಿಗಳು