varthabharthi

ವಿಶೇಷ-ವರದಿಗಳು

6 ವರ್ಷದ ಪೋರನಿಗೆ 11 ಮಿಲಿಯನ್ ಡಾಲರ್ ಆದಾಯ ಬಂದಿದ್ದು ಹೇಗೆ?

ವಾರ್ತಾ ಭಾರತಿ : 10 Dec, 2017

ಸಾಮಾನ್ಯವಾಗಿ ಮಕ್ಕಳು ತಮ್ಮ ಬಾಲ್ಯವನ್ನು ಆಟವಾಡುತ್ತಲೋ, ಶಾಲೆಗೆ ಹೋಗುತ್ತಲೇ, ಕೀಟಲೆ, ತುಂಟಾಟಿಕೆ ಮಾಡುತ್ತಲೋ ಅನುಭವಿಸುತ್ತಾರೆ. ಆದರೆ ಇಲ್ಲೊಬ್ಬ 6 ವರ್ಷದ ಪೋರ ಸಣ್ಣ ವಯಸ್ಸಿನಲ್ಲೇ 11 ಮಿಲಿಯನ್ ಡಾಲರ್ (70,93,13,000 ರೂ.)  ಆದಾಯವನ್ನು ಸಂಪಾದಿಸಿದ್ದಾನೆ.

ಯೂಟ್ಯೂಬ್ ನಲ್ಲಿ ಚಾನೆಲ್ ಗಳ ಮೂಲಕ, ಚಿತ್ರ ವಿಮರ್ಶೆಗಳ ಮೂಲಕ ಹಣ ಸಂಪಾದಿಸುವ ಹಲವರಿದ್ದಾರೆ. ಈ ಬಾಲಕ ಕೂಡ ವಿಮರ್ಶೆಯ ಮೂಲಕವೇ ಹಣ ಗಳಿಸುತ್ತಾನೆ. ಆದರೆ ಈತನ ವಿಮರ್ಶೆ ಚಿತ್ರಗಳ ಮೇಲೋ  ಅಥವಾ ರಾಜಕೀಯದ ಬಗ್ಗೆಯೋ ಅಲ್ಲ ಬದಲಾಗಿ ಆಟಿಕೆಗಳ ಬಗ್ಗೆ.

ಈತನ ಹೆಸರು ರ್ಯಾನ್. ತನ್ನ ಯೂಟ್ಯೂಬ್ ಚಾಲನೆ ಆದ 'Ryan ToysReview’ ನಲ್ಲಿ ಮಾರುಕಟ್ಟೆಯಲ್ಲಿರುವ ಆಟಿಕೆಗಳನ್ನು ರ್ಯಾನ್ ವಿಮರ್ಶಿಸುತ್ತಾನೆ. ರ್ಯಾನ್ ನ ಒಂದೊಂದು ವಿಡಿಯೋಗಳನ್ನೂ ಕೋಟ್ಯಂತರ ಮಂದಿ ವೀಕ್ಷಿಸುತ್ತಾರೆ. ಫೋರ್ಬ್ಸ್ ಬಿಡುಗಡೆ ಮಾಡಿರುವ ಅತೀ ಹೆಚ್ಚು ಹಣ ಗಳಿಸುವ ಯುಟ್ಯೂಬ್ ಸ್ಟಾರ್ ಗಳ ಪಟ್ಟಿಯಲ್ಲಿ ರ್ಯಾನ್ 8ನೆ ಸ್ಥಾನ ಗಳಿಸಿದ್ದಾನೆ. ಈ ಚಾನೆಲ್ ನಲ್ಲಿ ಆಟಿಕೆಗಳು ಮಾತ್ರವಲ್ಲ ಮಕ್ಕಳ ಆಹಾರಗಳ ಬಗ್ಗೆಯೂ ರ್ಯಾನ್ ವಿಮರ್ಶೆ ನೀಡುತ್ತಾನೆ.

"GIANT EGG SURPRISE" ಎನ್ನುವ ವಿಡಿಯೋ ವೈರಲ್ ಆಗುವ ಮೂಲಕ ರ್ಯಾನ್ ಪ್ರಸಿದ್ಧಿ ಗಳಿಸಿದ್ದ. ಈತನ ಪೋಷಕರೇ ಆರಂಭಿಸಿದ್ದ ಯೂಟ್ಯೂಬ್ ಚಾನೆಲ್ ಮೂಲಕ ರ್ಯಾನ್ ವಿಮರ್ಶೆಗಳನ್ನು ವಿಡಿಯೋ ಪೋಸ್ಟ್ ಮಾಡುತ್ತಾನೆ.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)