varthabharthi

ಅಂತಾರಾಷ್ಟ್ರೀಯ

ಇದಕ್ಕೆ ಸಂಸ್ಥೆ ನೀಡಿದ ಕಾರಣವೇನು ಗೊತ್ತಾ?

ಬಳಕೆದಾರರ ಕಂಪ್ಯೂಟರ್ ಮೌಸನ್ನು ಟ್ರ್ಯಾಕ್ ಮಾಡುತ್ತಿದೆ ಫೇಸ್ ಬುಕ್!

ವಾರ್ತಾ ಭಾರತಿ : 13 Jun, 2018

ನ್ಯೂಯಾರ್ಕ್, ಜೂ.13: ಡಾಟಾ ಸೆಕ್ಯುರಿಟಿ ಆತಂಕಕಾರಿ ವಿಚಾರವಾಗಿರುವಂತೆಯೇ ಸಾಮಾಜಿಕ ಜಾಲತಾಣ ಸಂಸ್ಥೆ ಅಮೆರಿಕಾದ ಸೆನೆಟ್ ಸಮಿತಿ ಕೇಳಿದ 2,000 ಪ್ರಶ್ನೆಗಳಿಗೆ ನೀಡಿದ ತನ್ನ 225 ಪುಟಗಳ ಉತ್ತರದಲ್ಲಿ ಫೇಸ್ ಬುಕ್ ತಾನು ಬಳಕೆದಾರರು ಕಂಪ್ಯೂಟರ್ ಮೌಸ್ ಹೇಗೆ ಉಪಯೋಗಿಸುತ್ತಾರೆಂಬುದನ್ನೂ ಟ್ರ್ಯಾಕ್ ಮಾಡುತ್ತದೆ. ಈ ಮೂಲಕ ತನ್ನ ವ್ಯವಸ್ಥೆ ಮಾನವರು ಮತ್ತು ವೆಬ್ ರೋಬೊಟ್ ಗಳನ್ನು ಗುರುತಿಸಲು ಸಹಾಯ ಮಾಡಿದೆ ಎಂದು ತಿಳಿಸಿದೆ.

ಕಂಪ್ಯೂಟರ್, ಫೋನ್ ಮತ್ತಿತರ ಅಂತರ್ಜಾಲ ಸಂಪರ್ಕವಿರುವ ಸಾಧನಗಳು ಹಾಗೂ ಮೌಸ್ ಗಳ ಚಲನೆಯ ರೀತಿಯನ್ನು ಟ್ರ್ಯಾಕ್ ಮಾಡಿ ಆ ಮೂಲಕ  ಬಳಕೆದಾರರು ತನ್ನ ಸೇವೆಗಳನ್ನು ಹೇಗೆ ಬಳಸುತ್ತಿದ್ದಾರೆಂದು ತಿಳಿಯಲು ಪ್ರಯತ್ನಿಸಿದ್ದಾಗಿ ಹಾಗೂ ಈ ಮೂಲಕ ನಿರ್ದಿಷ್ಟ ಬಳಕೆದಾರರಿಗೆ ಇಷ್ಟವಾದ ಮಾಹಿತಿಯೊದಗಿಸಿದ್ದಾಗಿ ಸಂಸ್ಥೆ ನೀಡಿದ ಮಾಹಿತಿಯಲ್ಲಿ ತಿಳಿಸಿದೆ.

ಕಂಪ್ಯೂಟರ್ ಆಪರೇಟಿಂಗ್ ಸಿಸ್ಟಮ್, ಹಾರ್ಡ್ ವೇರ್, ಸಾಫ್ಟ್ ವೇರ್, ಬ್ಯಾಟರಿ ಮಟ್ಟ, ಸಿಗ್ನಲ್ ಮಟ್ಟ, ಸ್ಟೋರೇಜ್ ಸ್ಪೇಸ್, ಫೈಲ್ ಹೆಸರುಗಳು, ಸಾಧನಗಳ ಐಡಿ, ಬ್ರೌಸರ್ ಹಾಗೂ ಬ್ರೌಸರ್ ಪ್ಲಗ್-ಇನ್ ಗಳ ಮಾಹಿತಿ ಕೂಡ ಸಂಗ್ರಹಿಸಲಾಗುತ್ತಿದೆ ಎಂದು ಫೇಸ್ ಬುಕ್ ಒಪ್ಪಿಕೊಂಡಿದೆ.

ಬಳಕೆದಾರರ ಲಿಂಗ, ಅವರು ತಮ್ಮ ಫ್ರೆಂಡ್ ಲಿಸ್ಟ್ ನಿಂದ ತೆಗೆದಿರುವ ಹೆಸರು ಹಾಗೂ ಅವರು ಕ್ಲಿಕ್ ಮಾಡುವ ಜಾಹೀರಾತುಗಳ ಬಗ್ಗೆಯೂ ಮಾಹಿತಿ ಸಂಗ್ರಹಿಸಲಾಗುತ್ತದೆ ಎಂಬುದನ್ನೂ ಕಂಪೆನಿ ಒಪ್ಪಿಕೊಂಡಿದೆ.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

 

Comments (Click here to Expand)