varthabharthi

ಓ ಮೆಣಸೇ

ಓ ಮೆಣಸೇ...

ವಾರ್ತಾ ಭಾರತಿ : 2 Jul, 2018
ಪಿ.ಎ.ರೈ

ನಮ್ಮ ನೀಯತ್ತು ಶುದ್ಧವಿದೆ- ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

ಅಧಿಕಾರವಿಲ್ಲದೇ ಇರುವಾಗ ಅದು ಶುದ್ಧವೇ ಇರುತ್ತದೆ ಬಿಡಿ.

---------------------

ಹಿಂಸೆ ಮತ್ತು ಕ್ರೌರ್ಯದಿಂದ ಏನೂ ದಕ್ಕದು -ನರೇಂದ್ರ ಮೋದಿ, ಪ್ರಧಾನಿ
ಒಬ್ಬರಿಗೆ ಪ್ರಧಾನಿ ಪದವಿ ದಕ್ಕಿದ ಕುರಿತು ವದಂತಿಯಿದೆ.

---------------------

ಪುಸ್ತಕ ನೋಡಿ ಪರೀಕ್ಷೆ ಬರೆಯುವ ವ್ಯವಸ್ಥೆ ಜಾರಿಗೆ ತರುವ ಯೋಚನೆ ಇದೆ -ಎಸ್.ಮಹೇಶ್, 
ಸಚಿವ ಮೊದಲು ಶಿಕ್ಷಕರಿಗೆ ಪುಸ್ತಕ ನೋಡದೆ ಪಾಠ ಮಾಡುವುದನ್ನು ಕಲಿಸಬೇಕಾಗಿದೆ.

---------------------

ಪ್ರಧಾನಿ ಮೋದಿಯ ಭಯದಿಂದ ಪ್ರತಿಪಕ್ಷಗಳೆಲ್ಲ ಒಂದಾಗಿವೆ -ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

ಪ್ರಧಾನಿಯವರು ಭಯ ಉತ್ಪಾದಕರೇ?

---------------------

ನನಗೆ ಕಲ್ಲಿನ ಹಾರಬೇಕಾದರೂ ತೊಡಿಸಿ, ಹೂವಿನ ಹಾರ ಹಾಕಬೇಡಿ -ಡಿ.ಕೆ. ಶಿವಕುಮಾರ್, 
ಸಚಿವ ಬಿಜೆಪಿಯವರು ಗಲ್ಲಿನ ಹಾರ ತೊಡಿಸಲು ಹೊಂಚು ಹಾಕಿದ್ದಾರೆ.

---------------------

ಮಾಜಿ ಸಿಎಂ ಸಿದ್ದರಾಮಯ್ಯರಿಗೆ ನನ್ನ ಮೇಲೆ ಯಾವುದೇ ಅಸಮಾಧಾನವಿಲ್ಲ -ಡಾ.ಜಿ. ಪರಮೇಶ್ವರ್, 

ಉಪಮುಖ್ಯಮಂತ್ರಿ ಅವರು ಹಾಲಿ ಸಿಎಂ ಆಗಿದ್ದಾಗ ಅಸಮಾಧಾನವಿತ್ತೇ?

---------------------

ಭಾರತೀಯರಲ್ಲಿ ಜಾತ್ಯತೀತ ಮತ್ತು ಪ್ರಜಾಪ್ರಭುತ್ವ ರಕ್ತಗತವಾಗಿದೆ -ವೆಂಕಯ್ಯ ನಾಯ್ಡು, ಉಪರಾಷ್ಟ್ರಪತಿ

ಅದಕ್ಕೇ ರಸ್ತೆಯಲ್ಲಿ ರಕ್ತ ಹರಿಯುತ್ತಿರುವುದು.

---------------------

ಮುಖ್ಯಮಂತ್ರಿ ಸ್ಥಾನದಿಂದ ನನ್ನನ್ನು ಕೆಳಗಿಳಿಸುವುದು ಸುಲಭದ ಮಾತಲ್ಲ - ಕುಮಾರಸ್ವಾಮಿ, ಮುಖ್ಯಮಂತ್ರಿ

ದೇವೇಗೌಡರಿಗೆ ಹೀಗೊಂದು ಸವಾಲೇ?

---------------------

ವಲಸಿಗರನ್ನು ಅವರು ಎಲ್ಲಿಂದ ಬಂದರೋ ಅಲ್ಲಿಗೇ ತಕ್ಷಣ ಹೊರಗಟ್ಟಬೇಕು -ಡೊನಾಲ್ಡ್ ಟ್ರಂಪ್, ಅಮೆರಿಕ ಅಧ್ಯಕ್ಷ

ಅಮೆರಿಕನ್ನರೆಲ್ಲರೂ ಇಂಗ್ಲೆಂಡ್‌ನಿಂದ ವಲಸೆ ಬಂದವರಲ್ಲವೇ?

---------------------

ಕನಸಿನ ಬೇಟೆಯನ್ನು ಯಾವತ್ತೂ ನಿಲ್ಲಿಸಬೇಡಿ -ಸಚಿನ್ ತೆಂಡುಲ್ಕರ್, ಮಾಜಿ ಕ್ರಿಕೆಟಿಗ

ಅದಕ್ಕೇ ಜನರಿನ್ನೂ ಸ್ವಿಸ್ ಬ್ಯಾಂಕಿನ ಕಪ್ಪು ಹಣದ ನಿರೀಕ್ಷೆಯಲ್ಲಿರುವುದು.

---------------------

ಸಮ್ಮಿಶ್ರ ಸರಕಾರದಲ್ಲಿ ಕಾಂಗ್ರೆಸ್-ಜೆಡಿಎಸ್ ನಾಯಕರೇ ಕಚ್ಚಾಡಿ ಸಾಯ್ತಿದ್ದಾರೆ -ಆರ್. ಅಶೋಕ್, ಮಾಜಿ ಡಿಸಿಎಂ

ನೀವು ಹೆಣ ಹೊರುವುದಕ್ಕೆ ಕಾದದ್ದೇ ಬಂತು.

---------------------

ಇಂದಿರಾ ಗಾಂಧಿ ಹೇರಿದ್ದ ತುರ್ತು ಪರಿಸ್ಥಿತಿ ಒಂದು ರೀತಿಯಲ್ಲಿ ಪ್ರಜಾಪ್ರಭುತ್ವದ ನರಮೇಧವಾಗಿತ್ತು -ಎಂ.ಜೆ. ಅಕ್ಬರ್, ಕೇಂದ್ರ ಸಚಿವ

ತುರ್ತು ಪರಿಸ್ಥಿತಿಯಿಲ್ಲದೆಯೇ ಮೋದಿ ಅದನ್ನು ಸಾಧಿಸಿದ್ದಾರೆ.

---------------------

ನಾನು ಏನೋ ಆಗಬೇಕಿತ್ತು, ಆದರೆ ಏನೋ ಆಗಿದ್ದೇನೆ -ಬಸವರಾಜ ಹೊರಟ್ಟಿ, ಹಂಗಾಮಿ ಸಭಾಪತಿ

ಹೀಗೆಲ್ಲ ಹೇಳಿಕೆ ನೀಡಿ ಇನ್ನೇನೋ ಆಗಬೇಡಿ.

---------------------

ಪ್ರಾಚೀನ ಪ್ರೇಮವು ಎಲ್ಲಾ ಸಂಬಂಧಗಳನ್ನೂ ಮೀರಿರುವಂಥದ್ದು -ರವಿ ಶಂಕರ ಗುರೂಜಿ, ಆರ್ಟ್ ಆಫ್ ಲಿವಿಂಗ್ ಮುಖ್ಯಸ್ಥ
ಅಕ್ರಮ ಸಂಬಂಧಗಳಿಗೂ ಆರ್ಟ್ ಆಫ್ ಲಿವಿಂಗ್‌ಗೂ ಹತ್ತಿರದ ಸಂಬಂಧ.

---------------------

ಪ್ರಧಾನಿ ನರೇಂದ್ರ ಮೋದಿ ಔರಂಗಜೇಬ್‌ಗಿಂತಲೂ ಕ್ರೂರಿ -ರಣದೀಪ್ ಸುರ್ಜೇವಾಲ, ಕಾಂಗ್ರೆಸ್ ವಕ್ತಾರ
ಔರಂಗಜೇಬ್ ಕಾಲದಲ್ಲಿ ಅಂಬೇಡ್ಕರ್ ಸಂವಿಧಾನವಿರಲಿಲ್ಲ.

---------------------

 ವಂಶಾಡಳಿತ ಮತ್ತು ಪ್ರಜಾಪ್ರಭುತ್ವ ಒಟ್ಟಿಗೆ ಕಾರ್ಯ ನಿರ್ವಹಿಸದು -ಅನಂತ ಕುಮಾರ್, ಕೇಂದ್ರ ಸಚಿವ

ಮನುಶಾಸ್ತ್ರ ಮತ್ತು ಸಂವಿಧಾನ ಕೂಡ ಒಟ್ಟಿಗೆ ಕಾರ್ಯನಿರ್ವಹಿಸದು.

---------------------

ಭಾರತ - ಚೀನಾದೊಂದಿಗೆ ಕಳ್ಳಾಟ ಆಡುವುದಿಲ್ಲ -ಕೆ.ಪಿ.ಶರ್ಮಾ ಒಲಿ, ನೇಪಾಲ ಪ್ರಧಾನಿ

ಮತ್ತೆ ಯಾವ ಆಟ ಆಡಲು ಹೊರಟಿದ್ದೀರಿ?

---------------------

ರಾಜಕೀಯದವರು ಹಾಗೂ ಮಾಧ್ಯಮದವರೆಲ್ಲ ಸೇರಿ ನನ್ನನ್ನು ದೊಡ್ಡ ಕಳ್ಳನಂತೆ ಬಿಂಬಿಸುತ್ತಿದ್ದಾರೆ -ವಿಜಯ ಮಲ್ಯ, ಉದ್ಯಮಿ

ಕಳ್ಳರೆಲ್ಲ ಅದಕ್ಕಾಗಿ ಪ್ರತಿಭಟನೆ ಮಾಡುತ್ತಿದ್ದಾರೆ.

---------------------

ಸಚಿವನಾಗಿ ಮೊದಲು ಸರಕಾರದ ಪರ, ನಂತರ ಪಕ್ಷದ ಪರ ಬ್ಯಾಟಿಂಗ್ ಮಾಡುತ್ತೇನೆ - ಪ್ರಿಯಾಂಕ್ ಖರ್ಗೆ, ಸಚಿವ

ಮಲ್ಲಿಕಾರ್ಜುನ ಖರ್ಗೆಗೆ ಬೌಲಿಂಗ್ ಮಾಡುವ ಕೆಲಸವೇ?

---------------------

ರಾಜ್ಯದಲ್ಲಿ ಜೆಡಿಎಸ್ - ಕಾಂಗ್ರೆಸ್ ಸರಕಾರವನ್ನು ದೇವರೇ ರಚಿಸಿದ್ದಾನೆ. ದೇವರೇ ರಕ್ಷಿಸುತ್ತಾನೆ -ವೆಂಕಟ ರಾವ್ ನಾಡಗೌಡ, ಸಚಿವ

ದೇವೇಗೌಡರಿಗೆ ಈ ರೀತಿಯ ಹೊಗಳಿಕೆಯೇ?

---------------------

ಕೋಮುವಾದಿ ಬಿಜೆಪಿ ದೂರವಿಡಲು ಜೆಡಿಎಸ್- ಕಾಂಗ್ರೆಸ್ ಮೈತ್ರಿ ಮುಂದುವರಿಕೆ ಅನಿವಾರ್ಯ -ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಮುಖಂಡ

ಅಥವಾ ಪಕ್ಷದಲ್ಲಿ ಸಿದ್ದರಾಮಯ್ಯರನ್ನು ದೂರವಿಡಲು?

---------------------

ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ಹುಲಿ ಗೆಲ್ಲಬೇಕೋ? ಕತ್ತೆ ಕಿರುಬ ಗೆಲ್ಲಬೇಕೋ? -ಅನಂತಕುಮಾರ್ ಹೆಗಡೆ, ಕೇಂದ್ರ ಸಚಿವ

ಹುಲಿ ಪಂಜರದೊಳಗಿರಲಿ. ಕತ್ತೆ ಕಿರುಬ ಕಾಡಿಗೆ ಹೋಗಲಿ. ಸಜ್ಜನ ಮನುಷ್ಯರು ಗೆದ್ದರೆ ಸಾಕು.

---------------------

ರಾಜ್ಯ ರಾಜಕೀಯ ಇತಿಹಾಸದಲ್ಲಿ ಯಾವ ಮೈತ್ರಿ ಸರಕಾರವೂ ಅಧಿಕಾರಾವಧಿ ಪೂರ್ಣಗೊಳಿಸಿಲ್ಲ -ಶ್ರೀರಾಮುಲು, ಶಾಸಕ

ಪೂರ್ಣಗೊಳಿಸಲು ನೀವು ಬಿಟ್ಟಿಲ್ಲ.

---------------------

ನಾವು ನಮ್ಮ ಪೂರ್ವಿಕರ ಜೀವನ ಶೈಲಿ ಮತ್ತೆ ರೂಢಿಸಿಕೊಳ್ಳಬೇಕು - ವೆಂಕಯ್ಯ ನಾಯ್ಡು, ಉಪರಾಷ್ಟ್ರಪತಿ

ವಯಸ್ಸಾದಂತೆ ಕಾಡು ಕರೆಯುತ್ತಿರಬೇಕು.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)

ಇನ್ನಷ್ಟು ಓ ಮೆಣಸೇ ಸುದ್ದಿಗಳು