varthabharthi

ಈ ದಿನ

ಅಲಿಗಡ ಮುಸ್ಲಿಂ ವಿಶ್ವವಿದ್ಯಾನಿಲಯವಾಗಿ ಪರಿವರ್ತನೆ

ವಾರ್ತಾ ಭಾರತಿ : 9 Sep, 2018

1739: ಬ್ರಿಟಿಷ್ ಆಡಳಿತದಲ್ಲಿದ್ದ ಅಮೆರಿಕದ ದಕ್ಷಿಣ ಕರೋಲಿನಾದ ಸ್ಟೋನೊ ಎಂಬಲ್ಲಿ ಜೆಮ್ಮಿ ಎಂಬವರ ನೇತೃತ್ವದಲ್ಲಿ ದಂಗೆಯೆದ್ದ ಗುಲಾಮರು 25 ಬಿಳಿಯರನ್ನು ಹತ್ಯೆಗೈದರು.

1915: ಈ ದಿನ ಕ್ರಾಂತಿಕಾರಿ ಬಾಗಾ ಜತಿನ್ ಮತ್ತು ಆತನ ಸಹಚರರು ಒಡಿಶಾದ ಬುರಿ ಬಲಂಗ್ ನದಿಯ ದಂಡೆಯ ಮೇಲೆ ಬ್ರಿಟಿಷ್ ಪೊಲೀಸರ ವಿರುದ್ಧ ಸಮರ ಸಾರಿದರು.

1920: ಈ ದಿನ ಅಲಿಗಡದ ಆಂಗ್ಲೋ ಓರಿಯಂಟಲ್ ಕಾಲೇಜು, ಅಲಿಗಡ ಮುಸ್ಲಿಂ ವಿಶ್ವವಿದ್ಯಾನಿಲಯವಾಗಿ ಪರಿವರ್ತನೆಗೊಂಡಿತು. ಈ ವಿಶ್ವವಿದ್ಯಾನಿಲಯದ ಮುಖ್ಯ ಕ್ಯಾಂಪಸ್ ಉತ್ತರಪ್ರದೇಶದ ಅಲಿಗಡದಲ್ಲಿದೆ. ಶಿಕ್ಷಣತಜ್ಞ ಸರ್.ಸೈಯದ್ ಅಹ್ಮದ್‌ಖಾನ್‌ರ ಕನಸಿನ ಕೂಸಾಗಿದ್ದ ಈ ವಿಶ್ವವಿದ್ಯಾನಿಲಯವನ್ನು ರಾಜಾ ಜೈ ಕಿಶನ್‌ದಾಸರ ಸಹಕಾರದೊಂದಿಗೆ ಸೈಯದ್ ಅಹ್ಮದ್‌ಖಾನ್ ಕಟ್ಟಿಸಿದರು. ಮಾಜಿ ರಾಷ್ಟ್ರಪತಿ ಝಾಕಿರ್ ಹುಸೈನ್, ಮಾಜಿ ಉಪರಾಷ್ಟ್ರಪತಿ ಹಾಮಿದ್ ಅನ್ಸಾರಿ, ಖ್ಯಾತ ಇಂಗ್ಲಿಷ್ ಕಾದಂಬರಿಕಾರ ರಾಜಾರಾವ್, ಹಾಕಿ ದಂತಕತೆ ಧ್ಯಾನ್‌ಚಂದ್, ನಾಸಿರುದ್ದೀನ್ ಶಾ ಮುಂತಾದ ಖ್ಯಾತನಾಮರು ಈ ವಿವಿಯ ವಿದ್ಯಾರ್ಥಿಗಳಾಗಿದ್ದರು ಎಂಬುದು ವಿಶೇಷ.

1943: ಭಾರತೀಯ ಬ್ರಿಟಿಷ್ ಸೈನ್ಯದಲ್ಲಿ ದಂಗೆಯೆದ್ದಿದ್ದ ನಾಲ್ವರನ್ನು ಸೆರೆಹಿಡಿದ ಬ್ರಿಟಿಷರು ಈ ದಿನ ಗಲ್ಲಿಗೇರಿಸಿದರು.

1954: ಈ ದಿನ ಅಲ್ಜೀರಿಯಾದ ಒರ್ಲಿಯಾನ್ಸ್ ವಿಲ್ಲೆಯಲ್ಲಿ ಸಂಭವಿಸಿದ ಪ್ರಬಲ ಭೂಕಂಪಕ್ಕೆ 1,400 ಜನರು ಬಲಿಯಾದರು.

2004: ಜಕಾರ್ತಾದ ಆಸ್ಟ್ರೇಲಿಯನ್ ರಾಯಭಾರ ಕಚೇರಿಯ ಹೊರಗೆ ಬಾಂಬ್ ಸ್ಫೋಟಗೊಂಡು 10 ಜನ ಮೃತಪಟ್ಟರು.

2017: ಈಜಿಪ್ಟ್‌ನ ಡ್ರಾ ಅಬುಲ್ ನಾಗಾ ಎಂಬಲ್ಲಿ 3,500 ವರ್ಷಗಳ ಹಳೆಯದಾದ ‘ಅಕ್ಕಸಾಲಿಗ ಮತ್ತು ಆತನ ಕುಟುಂಬದ ಗೋರಿ’ಯೊಂದನ್ನು ಪತ್ತೆಹಚ್ಚಿರುವುದಾಗಿ ಅಲ್ಲಿನ ಪುರಾತತ್ವಶಾಸ್ತ್ರಜ್ಞರು ಘೋಷಿಸಿದರು.

1850: ಆಧುನಿಕ ಹಿಂದಿ ಸಾಹಿತ್ಯದ ಜನಕ, ನಾಟಕಕಾರ ಭರತೇಂದು ಹರಿಶ್ಚಂದ್ರ ಉತ್ತರಪ್ರದೇಶದ ವಾರಣಾಸಿಯಲ್ಲಿ ಜನಿಸಿದರು.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)