varthabharthi

ರಾಷ್ಟ್ರೀಯ

ಅಂತ್ಯಕ್ರಿಯೆಯ 2,700 ರೂ.ವನ್ನು ಜೇಬಿಗಿಳಿಸಿದರು

ಅನಾಥ ಮೃತದೇಹವನ್ನು ತ್ಯಾಜ್ಯದೊಂದಿಗೆ ಸುಟ್ಟ ಪೊಲೀಸರು !

ವಾರ್ತಾ ಭಾರತಿ : 11 Jan, 2019

ಲಕ್ನೋ, ಜ.11: ವಾರಸುದಾರರಿಲ್ಲದ ಮೃತದೇಹದ ಅಂತ್ಯಕ್ರಿಯೆಗೆ ಇಲಾಖೆಯಿಂದ ಹಣ ದೊರೆತ ಹೊರತಾಗಿಯೂ ಆ ಹಣವನ್ನು ಕಿಸೆಗಿಳಿಸಿದ ಪೊಲೀಸರು ಮೃತದೇಹವನ್ನು ತ್ಯಾಜ್ಯದ ರಾಶಿಯೊಂದಿಗೆ ಸುಟ್ಟ ಅಮಾನವೀಯ ಘಟನೆ ಉತ್ತರ ಪ್ರದೇಶದ ಬಾಘ್‌ಪತ್ ಎಂಬಲ್ಲಿಂದ ವರದಿಯಾಗಿದೆ.

ವಾರಸುದಾರರಿಲ್ಲದ ಮೃತದೇಹಕ್ಕೆ ರುದ್ರಭೂಮಿಯಲ್ಲಿ ಅಂತ್ಯಕ್ರಿಯೆ ನಡೆಸಲು ಇಲಾಖೆ ಪೊಲೀಸ್ ಸಿಬ್ಬಂದಿಗೆ ರೂ.2,700 ಮಂಜೂರು ಮಾಡಿತ್ತೆನ್ನಲಾಗಿದೆ. ಆದರೆ ಆ ಹಣವನ್ನು ಕಿಸೆಗಿಳಿಸಿದ ಪೊಲೀಸರು ನಂತರ ಮೃತದೇಹವನ್ನು ಪ್ಲಾಸ್ಟಿಕ್ ಮತ್ತು ಟಯರ್ ತ್ಯಾಜ್ಯಗಳೊಂದಿಗೆ ಸೀಮೆ ಎಣ್ಣೆ ಹಾಕಿ ಸುಟ್ಟಿದ್ದಾರೆ. ಈ ಘಟನೆ ಬೆಳಕಿಗೆ ಬರುತ್ತಿದ್ದಂತೆಯೇ ಹಿರಿಯಾಧಿಕಾರಿಗಳು ತನಿಖೆಗೆ ಆದೇಶಿಸಿದ್ಧಾರೆ.

ಯಾವುದೇ ವಾರಸುದಾರರಿಲ್ಲದ ಕಳೇಬರವನ್ನೂ ಸೂಕ್ತ ರೀತಿಯಲ್ಲಿ ಅಂತ್ಯಕ್ರಿಯೆ ಮಾಡಬೇಕಿದೆ. ಆದರೆ ಇಲ್ಲಿ ಸಿಬ್ಬಂದಿ ನಡೆಸಿದ್ದು ಭ್ರಷ್ಟಾಚಾರ ಮಾತ್ರವಲ್ಲ ಅಮಾನವೀಯ ಕೂಡ ಎಂದು ಮಾಜಿ ಡಿಜಿಪಿಯೊಬ್ಬರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)