varthabharthi

ಈ ದಿನ

ನಾಸಾದ ಬಾಹ್ಯಾಕಾಶ ನೌಕೆ ಎಸ್‌ಟಿಎಸ್-39 (ಡಿಸ್ಕವರಿ 12) ಉಡಾವಣೆ

ವಾರ್ತಾ ಭಾರತಿ : 28 Apr, 2019

1929: ಅಮೆರಿಕದ ಪಶ್ಚಿಮ ವರ್ಜೀನಿಯಾದ ಬೆನ್ವೊಡ್ ಎಂಬಲ್ಲಿ ಸಂಭವಿಸಿದ ಕಲ್ಲಿದ್ದಲು ಗಣಿ ದುರಂತದಲ್ಲಿ 119 ಜನ ಸಾವನ್ನಪ್ಪಿದರು.

1945: ಇಟಲಿಯನ್ನು 1922ರಿಂದ 1945ರವರೆಗೆ ಸರ್ವಾಧಿಕಾರಿಯಾಗಿ ಆಳಿದ ಬೆನಿಟೊ ಮುಸ್ಸೋಲಿನಿಯನ್ನು ಈ ದಿನ ಮರಣದಂಡನೆಗೆ ಗುರಿಪಡಿಸಲಾಯಿತು. ಪರಿಣಿತ ಫೈರಿಂಗ್ ತಂಡದಿಂದ ಮುಸ್ಸೋಲಿನಿ ಹಾಗೂ ಅವನ ಪತ್ನಿ ಕ್ಲಾರಾ ಪೆಟಾಕ್ಕಿಯನ್ನು ಗುಂಡಿಕ್ಕಿ ಹತ್ಯೆಗೈಯಲಾಯಿತು.

1983: ಅಮೆರಿಕದ ನಾಸಾದಿಂದ ಜಿಯೋಸ್-ಎಫ್ ಎಂಬ ಬಾಹ್ಯಾಕಾಶ ನೌಕೆ ಉಡಾವಣೆ.

1989: ಖ್ಯಾತ ಇಂಗ್ಲಿಷ್ ಲೇಖಕ ಸಲ್ಮಾನ್ ರಶ್ದಿಯ ವಿವಾದಿತ ಕೃತಿ ಸೆಟಾನಿಕ್ ವರ್ಸಸ್‌ನ ಮಾರಾಟದ ವಿರುದ್ಧ ಇರಾನ್‌ನಲ್ಲಿ ಪ್ರತಿಭಟನೆ ಆರಂಭವಾಯಿತು.

1993: ಜಾಂಬಿಯಾದ ವಿಮಾನವೊಂದು ಲಿಬರ್ವಿಲ್ಲೆ ಗಬಾನ್ ಎಂಬಲ್ಲಿ ಪತನಗೊಂಡಿತು. ಪರಿಣಾಮ 30 ಜನ ಫುಟ್ಬಾಲ್ ಆಟಗಾರರು ಸಾವನ್ನಪ್ಪಿದರು.

1995: ದಕ್ಷಿಣ ಕೊರಿಯದ ಟ್ಯಾಗು ನಗರದ ಜನನಿಬಿಡ ಬೀದಿಯಲ್ಲಿ ಅನಿಲ ಸ್ಫೋಟ ಸಂಭವಿಸಿ 100ಕ್ಕಿಂತ ಹೆಚ್ಚು ಜನ ಸಾವನ್ನಪ್ಪಿದರು. ಅವರಲ್ಲಿ ಬಹುತೇಕರು ಶಾಲೆಗೆ ತೆರಳುತ್ತಿದ್ದ ಮಕ್ಕಳು.

1991: ನಾಸಾದ ಬಾಹ್ಯಾಕಾಶ ನೌಕೆ ಎಸ್‌ಟಿಎಸ್-39(ಡಿಸ್ಕವರಿ 12) ಈ ದಿನ ಉಡಾವಣೆಗೊಂಡಿತು.

1995: ಶ್ರೀಲಂಕಾದ ಬಿಎಇ748 ಎಂಬ ವಿಮಾನವು ಪಾಲಲಿ ಎಂಬಲ್ಲಿ ಪತನಗೊಂಡು 52 ಪ್ರಯಾಣಿಕರು ಮೃತಪಟ್ಟ ವರದಿಯಾಗಿದೆ.

2011: ಐಎಸ್‌ಎಸ್ ಇಪಿ-1 ಎಂಬ ಬಾಹ್ಯಾಕಾಶ ಕಾರ್ಯಕ್ರಮದಲ್ಲಿ 8ದಿನಗಳ ಕಾಲ ಬಾಹ್ಯಾಕಾಶ ಕಕ್ಷೆಯಲ್ಲಿ ಕಳೆಯುವ ಮೂಲಕ ಅಮೆರಿಕದ ಕೋಟ್ಯಧಿಪತಿ ಡೆನ್ನಿಸ್ ಟಿಟೊ ವಿಶ್ವದ ಪ್ರಥಮ ಪ್ರವಾಸಿ ಬಾಹ್ಯಾಕಾಶ ಯಾನಿ ಎನಿಸಿಕೊಂಡರು.

1929: ಆಸ್ಕರ್ ಪ್ರಶಸ್ತಿ ವಿಜೇತ ಪ್ರಥಮ ಭಾರತೀಯ ಕಾಸ್ಟೂಮ್ ಡಿಸೈನರ್(ವೇಷಭೂಷಣ ವಿನ್ಯಾಸಕಿ) ಭಾನು ಅಥಯ್ಯ ಜನ್ಮದಿನ.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)