varthabharthi

ಗಲ್ಫ್ ಸುದ್ದಿ

35ನೇ ಕೊರಿಯನ್ ವೈದ್ಯಕೀಯ ಶಿಕ್ಷಣ ಕಾಂಗ್ರೆಸ್‌ನಲ್ಲಿ ಜಿಎಂಯು ಕುಲಪತಿ ಪ್ರೊ. ಹೊಸ್ಸಮ್ ಹಮ್ದಿ

ವಾರ್ತಾ ಭಾರತಿ : 3 Jun, 2019

ಬುಸನ್, ಜೂ.3: ದಕ್ಷಿಣ ಕೊರಿಯದ ಬುಸನ್ ನಗರದಲ್ಲಿ ಇತ್ತೀಚೆಗೆ ನಡೆದ 35ನೇ ಕೊರಿಯನ್ ವೈದ್ಯಕೀಯ ಶಿಕ್ಷಣ ಕಾಂಗ್ರೆಸ್‌ನಲ್ಲಿ ಗಲ್ಫ್ ವೈದ್ಯಕೀಯ ವಿಶ್ವವಿದ್ಯಾನಿಲಯ (ಜಿಎಂಯು) ಅಜ್ಮನ್, ಇದರ ಕುಲಪತಿ ಪ್ರೊ. ಹೊಸ್ಸಮ್ ಹಮ್ದಿ ದಿಕ್ಸೂಚಿ ಭಾಷಣ ಮಾಡಿದರು.

ಕೊರಿಯ ವೈದ್ಯಕೀಯ ಕಾಲೇಜುಗಳ ಸಂಘ, ಕೊರಿಯನ್ ವೈದ್ಯಕೀಯ ಶಿಕ್ಷಣ ಸಂಘ ಆಯೋಜಿಸಿದ್ದ ಕಾಂಗ್ರೆಸ್‌ನ ವಿಷಯ ವೈದ್ಯಕೀಯ ಶಿಕ್ಷಣದಲ್ಲಿ ಕ್ರಿಯಾಶೀಲತೆ ಮತ್ತು ಮೌಲ್ಯಗಳು ಆಗಿತ್ತು ಮತ್ತು ವೈದ್ಯಕೀಯ ಶಿಕ್ಷಣ ಮತ್ತು ಸಂಶೋಧನೆಯಲ್ಲಿ ಬದಲಾಗುತ್ತಿರುವ ವಿನ್ಯಾಸಗಳು ಮತ್ತು ಅವಕಾಶಗಳ ಶೋಧವಾಗಿತ್ತು.

ಭವಿಷ್ಯಕ್ಕಾಗಿ ವೈದ್ಯಕೀಯ ಶಿಕ್ಷಣದ ಪರಿವರ್ತನೆ: ಮಾಹಿತಿಯಾಧಾರಿತದಿಂದ ಪರಿವರ್ತನೆಯಾಧಾರಿತದವರೆಗೆ ವಿಷಯದ ಮೇಲೆ ಪ್ರೊ. ಹೊಸ್ಸಮ್ ಹಮ್ದಿಯವರು ದಿಕ್ಸೂಚಿ ಭಾಷಣ ಮಾಡಿದರು. ಕೊರಿಯದ 47 ಪ್ರತಿಷ್ಠಿತ ವೈದ್ಯಕೀಯ ಕಾಲೇಜುಗಳ ಅತಿಥಿಗಳ ಜೊತೆಗೆ 500ಕ್ಕೂ ಅಧಿಕ ಜನರನ್ನುದ್ದೇಶಿಸಿ ಅವರು ಮಾತನಾಡಿದರು.

ಔಷಧಿ ಎನ್ನುವುದು ಸಮಾಜ ವಿಜ್ಞಾನ ಮತ್ತು ಅದು ಮಾನವನಿಗೆ ಸಂಬಂಧಪಟ್ಟಿದ್ದು ಎನ್ನುವುದನ್ನು ನಾವು ಮರೆಯಬಾರದು. ಮುಂದಿನ ಪೀಳಿಗೆಯ ಆರೋಗ್ಯ ವೃತ್ತಿಪರರು ಮುಂದಿನ ಪೀಳಿಗೆಯ ರೋಗಿಗಳಿಗೆ ಮೌಲ್ಯಾಧಾರಿತ ಆರೋಗ್ಯ ಸೇವೆ ವ್ಯವಸ್ಥೆಯಡಿ ಚಿಕಿತ್ಸೆ ನೀಡಲು ಸಮರ್ಥರಾಗಿರಬೇಕು ಎಂದು ಅವರು ತಿಳಿಸಿದರು.

ತನ್ನ ಭಾಷಣದ ಮೂಲಕ ನೆರೆದವರಿಗೆ ಅಮೂಲ್ಯ ಮಾಹಿತಿ ನೀಡಿದ ಪ್ರೊ. ಹೊಸ್ಸಮ್ ಹಮ್ದಿ ಅವರನ್ನು ಸಿಯೋಲ್ ವೈದ್ಯಕೀಯ ಕಾಲೇಜಿನ ಡೀನ್ ಸ್ಮರಣಿಕೆ ನೀಡಿ ಗೌರವಿಸಿದರು.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)