varthabharthi

ನಿಮ್ಮ ಅಂಕಣ

ಖಂಡನೀಯ

ವಾರ್ತಾ ಭಾರತಿ : 21 Jun, 2019

ಮಾನ್ಯರೇ,

ಕಳೆದೈದು ವರುಷಗಳಲ್ಲಿ ಹಾದಿಬೀದಿಯಲ್ಲಿ ಸಾಗುವ ಅಲ್ಪಸಂಖ್ಯಾತರನ್ನು ಅಡ್ಡ ಹಾಕಿ ‘ಜೈ ಶ್ರೀರಾಮ್’ ಘೋಷಣೆಯನ್ನು ಬಲವಂತವಾಗಿ ಹೇಳಿಸಿದ ಹಲವಾರು ಘಟನೆಗಳು ದೇಶದಲ್ಲಿ ನಡೆದಿವೆ. ಈಗ ಅದರ ಸರದಿ ಸಂಸತ್ತಿನಲ್ಲಿ ಮುಂದುವರಿದಿದೆ. ಲೋಕಸಭೆಗೆ ಆಯ್ಕೆಯಾದ ಸಂಸದರ ಪ್ರಮಾಣ ವಚನ ಸ್ವೀಕರಿಸುವ ಸಂದರ್ಭದಲ್ಲಿ , ಅಸದುದ್ದೀನ್ ಉವೈಸಿ, ರಾಹುಲ್ ಗಾಂಧಿಯವರು ಪ್ರಮಾಣ ವಚನ ಸ್ವೀಕರಿಸುವಾಗ ಆಳುವ ಬಿಜೆಪಿ ಸಂಸದರು ‘ಭಾರತ್ ಮಾತಾಕೀ ಜೈ’ ‘ಜೈ ಶ್ರೀರಾಮ್’ ಘೋಷಣೆ ಕೂಗಿದ್ದಾರೆ. ಧರ್ಮನಿರಪೇಕ್ಷ ಸಂವಿಧಾನದ ಪ್ರಜಾಪ್ರಭುತ್ವದಲ್ಲಿ ಜವಾಬ್ದಾರಿಯುತ ಸಂಸದರಾಗಿ ಪ್ರೌಢಿಮೆಯನ್ನು ಮೆರೆಯಬೇಕಿದ್ದ ಸಂಸದರ ಈ ನಡೆ ಖಂಡನೀಯ.

ತಾವು ಗೆದ್ದೇ ಬಿಟ್ಟೆವೆಂಬ ಅಹಂನಲ್ಲಿ ದೇಶಭಕ್ತಿಯ ಹೆಸರಲ್ಲಿ ವಿರೋಧ ಪಕ್ಷವನ್ನು ಕಿಚಾಯಿಸುವ ಮುಂಚೆ ತಾವು ದೇಶದ ಎಲ್ಲ ಜನರನ್ನು ಗೆದ್ದಿಲ್ಲ ಎಂಬುದನ್ನು ಬಿಜೆಪಿ ಸಂಸದರು ಮೊದಲು ತಿಳಿದರೆ ದೇಶಕ್ಕೆ ಒಳಿತು.

-ಚಂದ್ರಪ್ರಭ ಕಠಾರಿ, ಬಸವೇಶ್ವರನಗರ, ಬೆಂಗಳೂರು

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)