varthabharthi

ವಿಶೇಷ-ವರದಿಗಳು

ಮತ್ತೆ ಬಯಲಾದ ಮಧುಕೀಶ್ವರ್ ಬಂಡವಾಳ

ಪ್ರವಾಹ ಪೀಡಿತ ವಯನಾಡ್ ಸಮೀಕ್ಷೆ ಮಾಡುವಾಗ ಸಮೋಸ ಸವಿಯುತ್ತಿದ್ದರೆ ರಾಹುಲ್ ಗಾಂಧಿ ?

ವಾರ್ತಾ ಭಾರತಿ : 16 Aug, 2019

ಪ್ರವಾಹ ಪೀಡಿತ ವಯನಾಡ್ ನ ವೈಮಾನಿಕ ಸಮೀಕ್ಷೆ ನಡೆಸುವಾಗ ಹೆಲಿಕಾಪ್ಟರ್ ನಲ್ಲಿ ಕೂತು ಸಮೋಸ ಸವಿಯುತ್ತಿದ್ದರೆ ಕಾಂಗ್ರೆಸ್ ನಾಯಕ ಹಾಗು ವಯನಾಡ್ ಸಂಸದ ರಾಹುಲ್ ಗಾಂಧಿ ?

ಫೇಸ್ ಬುಕ್ ಸಹಿತ ವಿವಿಧ ಸಾಮಾಜಿಕ ಜಾಲತಾಣಗಳಲ್ಲಿ ಹೀಗೆ ಒಕ್ಕಣೆ ಇದ್ದ ವಿಡಿಯೋ ಒಂದು ವೈರಲ್ ಆಗಿದೆ. ಮೊದಲು ಇದನ್ನು ಪೋಸ್ಟ್ ಮಾಡಿದ್ದು ಬಿಜೆಪಿ ಹಾಗು ಮೋದಿಯ ಕಟ್ಟಾ ಬೆಂಬಲಿಗ ಲೇಖಕಿ ಹಾಗು ಪ್ರಚೋದನಕಾರಿ, ಸುಳ್ಳು ಸುದ್ದಿಗಳನ್ನು ಹರಡುವುದಕ್ಕೆ ಇತ್ತೀಚಿಗೆ ಕುಖ್ಯಾತರಾಗಿರುವ ಮಧುಕೀಶ್ವರ್ ಪೂರ್ಣಿಮಾ ಅವರು. " ಕೇರಳದ ಪ್ರವಾಹ ಪೀಡಿತ ಪ್ರದೇಶಗಳ ಸಮೀಕ್ಷೆ ಸಂದರ್ಭ ರಾಹುಲ್ ಗಾಂಧಿ ಮಜಾ ಮಾಡುತ್ತಿದ್ದಾರೆ" ಎಂದು ವಿಡಿಯೋಗೆ ಅವರು ಟಿಪ್ಪಣಿ ಬರೆದಿದ್ದರು.  ಬಳಿಕ ಹಲವು ಬಿಜೆಪಿ, ಸಂಘಪರಿವಾರದ ಬೆಂಬಲಿಗರು ಇದನ್ನೇ ಪೋಸ್ಟ್ ಮಾಡಿದ್ದಾರೆ.

ಆದರೆ ಈ ಬಗ್ಗೆ ವಿವರ ಕಲೆ ಹಾಕಿರುವ altnews ವೆಬ್ ತಾಣ ಇದು ಸುಳ್ಳು ಸುದ್ದಿ ಎಂದು ಖಚಿತಪಡಿಸಿದೆ. ಈ ವಿಡಿಯೋ ಎಪ್ರಿಲ್ ತಿಂಗಳಲ್ಲಿ ರಾಹುಲ್ ಗಾಂಧಿ ಉತ್ತರ ಪ್ರದೇಶದಲ್ಲಿ ಚುನಾವಣಾ ಪ್ರಚಾರಕ್ಕೆ ಹೋಗಿದ್ದ ಸಂದರ್ಭದ್ದು ಹಾಗು ಅದೇ ಸಂದರ್ಭದಲ್ಲಿ ಪೋಸ್ಟ್ ಮಾಡಲಾಗಿದ್ದು ಎಂದು ಅದು ಕಂಡು ಹಿಡಿದಿದೆ. ಆಗ ಹಿಂದಿ ಟಿವಿ ಚಾನಲ್ ಗಳೂ ಈ ವಿಡಿಯೋ ವನ್ನು ಪೋಸ್ಟ್ ಮಾಡಿದ್ದರು.

ರಾಹುಲ್ ಗಾಂಧಿ ಈ ವಾರದ ಆರಂಭದಲ್ಲಿ ವಯನಾಡ್ ಗೆ ಭೇಟಿ ನೀಡಿದ್ದರು. 

ಕೃಪೆaltnews.in 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)