varthabharthi

ಬೆಂಗಳೂರು

ಬಾದಲ್ ನಂಜುಂಡಸ್ವಾಮಿ ಸೃಜನಶೀಲತೆ ಮೆಚ್ಚಿದ ವಿದೇಶಿಗರು

ಮೆಕ್ಸಿಕೋದ ರಸ್ತೆಯಲ್ಲಿ ಬೆಂಗಳೂರು ಕಲಾವಿದನ ‘ಮೂನ್ ವಾಕ್’ ಮರುಸೃಷ್ಟಿ: ವಿಡಿಯೋ ವೈರಲ್

ವಾರ್ತಾ ಭಾರತಿ : 11 Sep, 2019

ಬೆಂಗಳೂರು, ಸೆ.11: ಬೆಂಗಳೂರಿನ ಕಲಾವಿದ ಬಾದಲ್ ನಂಜುಂಡಸ್ವಾಮಿಯವರು ರಸ್ತೆ ಸಮಸ್ಯೆಯ ಬಗ್ಗೆ ಬೆಳಕು ಚೆಲ್ಲಲು ನಡೆಸಿದ್ದ ‘ರಸ್ತೆ ಗುಂಡಿಗಳಲ್ಲಿ ಮೂನ್ ವಾಕ್’ ವಿಡಿಯೋ ವೈರಲ್ ಆಗಿತ್ತು. ನಂತರ ಎಚ್ಚೆತ್ತುಕೊಂಡ ಬಿಬಿಎಂಪಿ ರಸ್ತೆ ಗುಂಡಿಯನ್ನು ಸರಿಪಡಿಸಿತ್ತು. ಇದೀಗ ಬಾದಲ್ ನಂಜುಂಡಸ್ವಾಮಿಯವರ ‘ಮೂನ್ ವಾಕ್’ ಅನ್ನು ಮೆಕ್ಸಿಕೋದಲ್ಲಿರುವ ಹಳ್ಳ-ಗುಂಡಿಗಳ ರಸ್ತೆಯೊಂದರಲ್ಲಿ ಡಿಜಿಟಲ್ ಜಾಹೀರಾತು ಕಂಪೆನಿಯೊಂದು ಮರುಸೃಷ್ಟಿಸಿದೆ.

ಬಾಹ್ಯಾಕಾಶ ಯಾನಿಯಂತೆ ವಸ್ತ್ರ ಧರಿಸಿ, ಚಂದ್ರನ ಮೇಲೆ ನಡೆಯುವಂತೆ ನಂಜುಂಡಸ್ವಾಮಿಯವರು ನಗರದ ತುಂಗಾನಗರ ರಸ್ತೆ ಮೇಲೆ ನಡೆದು ವಿಡಿಯೋ ಮಾಡಿದ್ದರು. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದೀಗ ಮೆಕ್ಸಿಕೋದ ಬೊವೆಡಾ ಸೆಲೆಸ್ಟೆ ಏಜೆನ್ಸಿ ಇದೇ ದೃಶ್ಯವನ್ನು ಮರುಸೃಷ್ಟಿಸಿದೆ ಜೊತೆಗೆ ವಿಡಿಯೋದ ಕೊನೆಯಲ್ಲಿ ಬಾದಲ್ ನಂಜುಂಡಸ್ವಾಮಿಯವರ ಫೋಟೊ ಮತ್ತು ಹೆಸರನ್ನು ಪ್ರಕಟಿಸಿದೆ.

ಫೇಸ್ ಬುಕ್ ನಲ್ಲಿ ಬೊವೆಡಾ ಸೆಲೆಸ್ಟೆ ತನ್ನನ್ನು ಸಂಪರ್ಕಿಸಿದೆ ಹಾಗು ವಿಡಿಯೋ ಮರುಸೃಷ್ಟಿಗೆ ತಾನು ಒಪ್ಪಿಗೆ ನೀಡಿದ್ದೇನೆ ಎಂದು ಬಾದಲ್ ನಂಜುಂಡಸ್ವಾಮಿಯವರು ಮಾಧ್ಯಮವೊಂದಕ್ಕೆ ಪ್ರತಿಕ್ರಿಯಿಸಿದ್ದಾರೆ.

View this post on Instagram

Una inconformidad más para los gobiernos que han dejado mal a nuestras ciudades. Esperamos un cambio y con esto nos unimos al reto #AstroBache#Challenge #BovedaCeleste

A post shared by Boveda Celeste (@boveda_celeste) on

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)