varthabharthi

ರಾಷ್ಟ್ರೀಯ

ಎಕೆ 47ಗಳು ಸೇರಿ ಭಾರೀ ಪ್ರಮಾಣದ ಶಸ್ತ್ರಾಸ್ತ್ರಗಳು ವಶಕ್ಕೆ

ಖಲಿಸ್ತಾನ ಉಗ್ರರ ವಿಭಾಗವನ್ನು ಭೇದಿಸಿದ ಪಂಜಾಬ್ ಪೊಲೀಸ್

ವಾರ್ತಾ ಭಾರತಿ : 22 Sep, 2019

ಚಂಡೀಗಡ, ಸೆ.22: ಪಾಕಿಸ್ತಾನ ಮತ್ತು ಜರ್ಮನಿ ಮೂಲದ ಉಗ್ರಗುಂಪುಗಳ ಬೆಂಬಲ ಹೊಂದಿರುವ ಪರಿಷ್ಕೃತ ಖಲಿಸ್ತಾನ ಜಿಂದಾಬಾದ್ ಪಡೆ (ಕೆಝಡ್‌ಎಫ್)ಗೆ ಸೇರಿದ ಉಗ್ರರ ವಿಭಾಗವನ್ನು ಪಂಜಾಬ್ ಪೊಲೀಸರು ಭೇದಿಸಿದ್ದು ಬೃಹತ್ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಂಡಿದ್ದಾರೆ. ಪಂಜಾಬ್ ಹಾಗೂ ಇತರ ರಾಜ್ಯಗಳಲ್ಲಿ ವಿಧ್ವಂಸಕ ಕೃತ್ಯಗಳನ್ನು ನಡೆಸಲು ಸಂಚು ರೂಪಿಸುತ್ತಿದ್ದ ಈ ತಂಡದಿಂದ ಐದು ಎಕೆ 47 ರೈಫಲ್‌ಗಳು, ಪಿಸ್ತೂಲುಗಳು, ಉಪಗ್ರಹ ಫೋನ್‌ಗಳು ಮತ್ತು ಗ್ರೆನೇಡ್‌ಗನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಬೆಳವಣಿಗೆಯ ಹಿನ್ನೆಲೆಯಲ್ಲಿ ಹೆಚ್ಚಿನ ತನಿಖೆಗಾಗಿ ಪ್ರಕರಣವನ್ನು ಎನ್‌ಐಎಗೆ ಹಸ್ತಾಂತರಿಸಲು ಪಂಜಾಬ್ ಮುಖ್ಯಮಂತ್ರಿ ಕ್ಯಾಪ್ಟನ್ ಅಮರಿಂದರ್ ಸಿಂಗ್ ನಿರ್ಧರಿಸಿದ್ದಾರೆ. ಉಗ್ರರಿಗೆ ಶಸ್ತ್ರಾಸ್ತ್ರಗಳನ್ನು ಮತ್ತು ಸಂವಹನ ಸಾಧನಗಳನ್ನು ಪೂರೈಸಲು ಡ್ರೋನ್‌ಗಳನ್ನು ಬಳಸಲಾಗಿತ್ತು ಎನ್ನುವುದು ಪ್ರಾಥಮಿಕ ತನಿಖೆಯಲ್ಲಿ ತಿಳಿದುಬಂದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)