varthabharthi

ಕ್ರೀಡೆ

ಪ್ರೊ ಕಬಡ್ಡಿ ಲೀಗ್

ಜೈಪುರ, ಹರ್ಯಾಣಕ್ಕೆ ಜಯ

ವಾರ್ತಾ ಭಾರತಿ : 5 Oct, 2019

ಪಂಚಕುಲ, ಅ.4: ದೀಪಕ್ ನರ್ವಾಲ್(14ಅಂಕ)ನೆರವಿನಿಂದ ಜೈಪುರ ಪಿಂಕ್ ಪ್ಯಾಂಥರ್ಸ್ ತಂಡ ಹಾಲಿ ಚಾಂಪಿಯನ್ ಬೆಂಗಳೂರು ಬುಲ್ಸ್ ವಿರುದ್ಧ ಶುಕ್ರವಾರ ನಡೆದ ಪ್ರೊ ಕಬಡ್ಡಿ ಲೀಗ್‌ನ 120ನೇ ಪಂದ್ಯದಲ್ಲಿ 41-34 ಅಂಕಗಳಿಂದ ಜಯ ಸಾಧಿಸಿದೆ.

ದೀಪಕ್‌ಗೆ ನೀಲೇಶ್ ಸಾಲುಂಕೆ(9ಅಂಕ) ಸಮರ್ಥ ಸಾಥ್ ನೀಡಿ ಜೈಪುರ ತಂಡ ಈ ವರ್ಷದ ಪ್ರೊ ಕಬಡ್ಡಿ ಲೀಗ್‌ನಲ್ಲಿ ಪ್ಲೇ-ಆಫ್‌ಗೇರುವ ಅಲ್ಪ ಅವಕಾಶವನ್ನು ಜೀವಂತವಾಗಿರಿಸಿದರು. ಬುಲ್ಸ್ ಪರ ಪವನ್‌ಕುಮಾರ್ 14 ಅಂಕ ಗಳಿಸಿದರು.

121ನೇ ಪಂದ್ಯದಲ್ಲಿ ಅಂಕಪಟ್ಟಿಯಲ್ಲಿ 3ನೇ ಸ್ಥಾನದಲ್ಲಿರುವ ಹರ್ಯಾಣ ಸ್ಟೀಲರ್ಸ್ ತಂಡ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿರುವ ತೆಲುಗು ಟೈಟಾನ್ಸ್ ತಂಡವನ್ನು 52-32 ಅಂತರದಿಂದ ಸುಲಭವಾಗಿ ಮಣಿಸಿತು. ಹರ್ಯಾಣದ ಪರ ವಿಕಾಸ್ 13 ಅಂಕ ಗಳಿಸಿದರೆ, ಪರಾಜಿತ ಟೈಟಾನ್ಸ್ ಪರ ಸಿದ್ದಾರ್ಥ್ ದೇಸಾಯಿ 12 ಅಂಕ ಕಲೆ ಹಾಕಿದರು. 21 ಪಂದ್ಯಗಳಲ್ಲಿ 13ನೇ ಜಯ ಸಾಧಿಸಿದ ಹರ್ಯಾಣ ಒಟ್ಟು 70 ಅಂಕಗಳಿಸಿದೆ.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)