ಇಸ್ರೇಲ್ನತ್ತ ರಾಕೆಟ್; ಗಾಝಾ ಪಟ್ಟಿಯ ಮೇಲೆ ವೈಮಾನಿಕ ದಾಳಿ
ಸಾಂದರ್ಭಿಕ ಚಿತ್ರ
ಗಾಝಾ ಸಿಟಿ (ಫೆಲೆಸ್ತೀನ್ ಭೂಪ್ರದೇಶ), ಡಿ. 8: ಇಸ್ರೇಲ್ ಯುದ್ಧ ವಿಮಾನಗಳು ರವಿವಾರ ಮುಂಜಾನೆ ಹಮಾಸ್ ನಿಯಂತ್ರಣದ ಗಾಝಾ ಪಟ್ಟಿಯ ಮೇಲೆ ದಾಳಿ ನಡೆಸಿದವು ಎಂದು ಫೆಲೆಸ್ತೀನ್ನ ಭದ್ರತಾ ಅಧಿಕಾರಿಗಳು ಹೇಳಿದ್ದಾರೆ.
ಗಾಝಾ ಪಟ್ಟಿಯಿಂದ ಇಸ್ರೇಲ್ನತ್ತ ಮೂರು ರಾಕೆಟ್ಗಳು ಹಾರಿದ ಗಂಟೆಗಳ ಬಳಿಕ ಈ ದಾಳಿ ನಡೆಯಿತು.
ಹಮಾಸ್ನ ಸೇನಾ ಘಟಕ ಅಲ್-ಖಾಸಮ್ ಬ್ರಿಗೇಡ್ಸ್ಗೆ ಸೇರಿದ, ಉತ್ತರ ಗಾಝಾದಲ್ಲಿರುವ ಎರಡು ನೆಲೆಗಳ ಮೇಲೆ ದಾಳಿಗಳು ನಡೆದವು. ಅದೇ ವೇಳೆ, ಗಾಝಾ ಸಿಟಿಯ ಪಶ್ಚಿಮದಲ್ಲಿರುವ ಖಾಸಮ್ನಲ್ಲಿರುವ ನೆಲೆಯೊಂದರ ಮೇಲೆ ಇಸ್ರೇಲ್ನ ಯುದ್ಧ ವಿಮಾನಗಳು ಹಲವು ಸುತ್ತು ಗಿರಕಿ ಹೊಡೆದವು ಎಂದು ಹಮಾಸ್ ಅಧಿಕಾರಿಗಳು ತಿಳಿಸಿದರು.
ಸಾವು-ನೋವುಗಳ ಬಗ್ಗೆ ತಕ್ಷಣಕ್ಕೆ ವರದಿಗಳು ಬಂದಿಲ್ಲ.
ಶನಿವಾರ ರಾತ್ರಿ, ಗಾಝಾದಲ್ಲಿರುವ ಫೆಲೆಸ್ತೀನ್ ಬಂಡುಕೋರರು ದಕ್ಷಿಣ ಇಸ್ರೇಲ್ನತ್ತ ಮೂರು ರಾಕೆಟ್ಗಳನ್ನು ಹಾರಿಸಿದ್ದಾರೆ ಎನ್ನಲಾಗಿದೆ. ಅವುಗಳನ್ನು ಅಯರ್ನ್ ಡೋಮ್ ರಕ್ಷಣಾ ವ್ಯವಸ್ಥೆಯ ಕ್ಷಿಪಣಿಗಳು ಮಧ್ಯದಲ್ಲೇ ತಡೆದವು ಎಂದು ಇಸ್ರೇಲ್ ಸೇನೆ ತಿಳಿಸಿದೆ.
Next Story