varthabharthi

ರಾಷ್ಟ್ರೀಯ

ವಿದೇಶಿಯರಿಂದ ಪೌರತ್ವ ಮಸೂದೆಯ ದುರ್ಬಳಕೆ ಕುರಿತು ಎಚ್ಚರಿಕೆ ನೀಡಿದ್ದ ‘ರಾ’

ವಾರ್ತಾ ಭಾರತಿ : 9 Dec, 2019

ಸಾಂದರ್ಭಿಕ ಚಿತ್ರ

ಹೊಸದಿಲ್ಲಿ,ಡಿ.9: ಇಂದು ಲೋಕಸಭೆಯಲ್ಲಿ ಮಂಡನೆಯಾದ ಪೌರತ್ವ ತಿದ್ದುಪಡಿ ಮಸೂದೆಯ ಹಿಂದಿನ ಆವೃತ್ತಿಯ ಬಗ್ಗೆ ಗುಪ್ತಚರ ವಿಭಾಗ ರಾ ಜಂಟಿ ಸಂಸದೀಯ ಮಂಡಳಿಯ ಎದುರು ತನ್ನ ಆತಂಕಗಳನ್ನು ವ್ಯಕ್ತಪಡಿಸಿತ್ತು. ಈ ಆವೃತ್ತಿಯು ಲೋಕಸಭೆಯಲ್ಲಿ ಅಂಗೀಕಾರಗೊಂಡಿದ್ದರೂ ರಾಜ್ಯಸಭೆಯಲ್ಲಿ ತಡೆಹಿಡಿಯಲ್ಪಟ್ಟಿತ್ತು. ಮಸೂದೆಯ ಬಗ್ಗೆ ರಾ ಭದ್ರತಾ ಕಳವಳಗಳನ್ನು ಎತ್ತಿತ್ತು.

ಈ ವರ್ಷದ ಜನವರಿಯಲ್ಲಿ ಸಂಸತ್ತಿನಲ್ಲಿ ಮಂಡಿಸಲಾಗಿದ್ದ ಜಂಟಿ ಸಂಸದೀಯ ಸಮಿತಿಯ ವರದಿಯಂತೆ ಅದರ ಎದುರು ಹಾಜರಾಗಿದ್ದ ಹಿರಿಯ ರಾ ಅಧಿಕಾರಿ,ಭಾರತದ ಹಿತಾಸಕ್ತಿಗಳಿಗೆ ವಿರುದ್ಧವಾಗಿರುವ ವಿದೇಶಿ ಏಜೆಂಟರು ಮಸೂದೆಯ ದುರ್ಬಳಕೆ ಮಾಡಿಕೊಳ್ಳಬಹುದು. ವಾಸ್ತವದಲ್ಲಿ ಭಾರತಲ್ಲಿ ನುಸುಳಲು ಈ ಮಸೂದೆಯು ಅವರಿಗೆ ಕಾನೂನುಬದ್ಧ ಮಾರ್ಗವಾಗಬಹುದು ಎಂದು ಕಳವಳ ವ್ಯಕ್ತಪಡಿಸಿದ್ದರು.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)