ಎಎಫ್ಸಿ ಕಪ್ ಟೂರ್ನಮೆಂಟ್ ಮುಂದೂಡಿಕೆ
ಹಾಂಕಾಂಗ್,ಮಾ.18: ವಿಶ್ವದೆಲ್ಲೆಡೆಯ ಕ್ರೀಡಾ ಸ್ಪರ್ಧೆಗಳಿಗೆ ಕೊರೋನ ವೈರಸ್ ಕಾಟ ಮುಂದುವರಿದಿದ್ದು, ಏಶ್ಯನ್ ಫುಟ್ಬಾಲ್ ಕಾನ್ಫಡರೇಶನ್ ಎಎಫ್ಸಿ ಕಪ್ ಟೂರ್ನಮೆಂಟ್ನ ಎಲ್ಲ ಪಂದ್ಯಗಳನ್ನು ಮುಂದೂಡಿದೆ.
ಕೋವಿಡ್-19 ವೈರಸ್ ಭೀತಿಯ ಹಿನ್ನೆಲೆಯಲ್ಲಿ ಹೆಚ್ಚಿನ ರಾಷ್ಟ್ರದ ಸರಕಾರಗಳು ಪ್ರಯಾಣದ ಮೇಲೆ ನಿರ್ಬಂಧ ಹೇರಿರುವ ಕಾರಣ ಎಲ್ಲ ಎಎಫ್ಸಿ ಕಪ್-2020ರ ಪಂದ್ಯಗಳನ್ನು ಮುಂದೂಡಲು ಏಶ್ಯನ್ ಫುಟ್ಬಾಲ್ ಕಾನ್ಫಡರೇಶನ್ ಬುಧವಾರ ನಿರ್ಧಾರ ಕೈಗೊಂಡಿದೆ ಎಂದು ಎಎಫ್ಸಿ ಪ್ರಕಟನೆಯೊಂದರಲ್ಲಿ ತಿಳಿಸಿದೆ.
ಎಎಫ್ಸಿ ಕಪ್ನಲ್ಲಿ ಜೋರ್ಡನ್, ಲೆಬನಾನ್, ಸಿಂಗಾಪುರ,ಬಾಂಗ್ಲಾದೇಶ ಹಾಗೂ ತಜಕಿಸ್ತಾನ ದೇಶಗಳು ಭಾಗವಹಿಸಲಿವೆ.
Next Story