'ಭಾರತ ಲಾಕ್ ಡೌನ್': ನಾಳೆಯಿಂದ 21 ದಿನಗಳ ಕಾಲ ಈ ಸೇವೆಗಳು ಇಲ್ಲ, ಈ ಸೇವೆಗಳು ಲಭ್ಯ ...
ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿಯವರು ಸಂಪೂರ್ಣ 'ಭಾರತ ಲಾಕ್ ಡೌನ್' ಘೋಷಿಸಿದ್ದು ನಾಳೆಯಿಂದ 21 ದಿನಗಳ ಕಾಲ ಈ ಸೇವೆಗಳು ಇರಲಿದ್ದು, ಈ ಸೇವೆಗಳು ಇರುವುದಿಲ್ಲ.
ಈ ಸೇವೆಗಳಿಗೆ ವಿನಾಯಿತಿ
►ಆಸ್ಪತ್ರೆಗಳು ಮತ್ತು ಆರೋಗ್ಯ ಸಂಬಂಧಿತ ಎಲ್ಲಾ ವಿಭಾಗಗಳು, ವೈದ್ಯಕೀಯ ಕ್ಷೇತ್ರಕ್ಕೆ ಸಂಬಂಧಿಸಿದ ತಯಾರಿಕಾ ಮತ್ತು ಹಂಚಿಕೆ ವಿಭಾಗಗಳು (ಖಾಸಗಿ ಮತ್ತು ಸರಕಾರಿ) , ಡಿಸ್ಪೆನ್ಸರಿಗಳು, ಔಷಧ ಮತ್ತು ಔಷಧೀಯ ಸಲಕರಣೆಗಳ ಅಂಗಡಿಗಳು, ಲ್ಯಾಬ್ ಗಳು, ಕ್ಲಿನಿಕ್ ಗಳು, ನರ್ಸಿಂಗ್ ಹೋಂಗಳು, ಆ್ಯಂಬುಲೆನ್ಸ್ ಇತ್ಯಾದಿಗಳು ಸೇವೆಗಳನ್ನು ನೀಡಲಿವೆ. ವೈದ್ಯಕೀಯ ಸಿಬ್ಬಂದಿ, ನರ್ಸ್ ಗಳು, ಪಾರಾ ಮೆಡಿಕಲ್ ಸಿಬ್ಬಂದಿ ಮತ್ತು ಇತರ ಆಸ್ಪತ್ರೆಗಳಿಗೆ ಸಂಬಂಧಿತ ವಾಹನ ಪ್ರಯಾಣಕ್ಕೆ ಅವಕಾಶವಿದೆ.
►ದಿನಸಿ ಅಂಗಡಿಗಳು, ತರಕಾರಿ ಮತ್ತು ಹಣ್ಣುಹಂಪಲು, ಹಾಲು ಮತ್ತು ಹಾಲಿನ ಉತ್ಪನ್ನಗಳ ಬೂತ್ ಗಳು, ಮೀನು ಮತ್ತು ಮಾಂಸ, ಪ್ರಾಣಿಗಳ ಮೇವುಗಳ ಅಂಗಡಿಗಳಿಗೆ ವಿನಾಯಿತಿಗಳಿವೆ.
►ಬ್ಯಾಂಕ್ ಗಳು, ಇನ್ಶೂರೆನ್ಸ್ ಕಚೇರಿಗಳು, ಎಟಿಎಂಗಳಿಗೆ ವಿನಾಯಿತಿ
►ಮುದ್ರಣ ಮತ್ತು ಎಲೆಕ್ಟ್ರಾನಿಕ್ ಮೀಡಿಯಾಗಳಿಗೆ ವಿನಾಯಿತಿ
►ಟೆಲಿಕಮ್ಯುನಿಕೇಶನ್, ಇಂಟರ್ ನೆಟ್ ಸೇವೆಗಳು, ಬ್ರಾಡ್ ಕಾಸ್ಟಿಂಗ್ ಮತ್ತು ಕೇಬಲ್ ಸೇವೆಗಳು, ಐಟಿ ಮತ್ತು ಐಟಿ ಸಂಬಂಧಿತ ಸೇವೆಗಳಿಗೆ ವಿನಾಯಿತಿ. ಸಾಧ್ಯವಿದ್ದಷ್ಟು ಮನೆಯಿಂದಲೇ ಕೆಲಸ ಮಾಡಲು ಸೂಚನೆ
►ಇ ಕಾಮರ್ಸ್ ಮೂಲಕ ಆಹಾರ, ಔಷಧ, ವೈದ್ಯಕೀಯ ಸಲಕರಣೆಗಳ ಡೆಲಿವರಿಗಳಿಗೆ ವಿನಾಯಿತಿ
►ಪೆಟ್ರೋಲ್ ಪಂಪ್ ಗಳು, ಎಲ್ ಪಿಜಿ, ಪೆಟ್ರೋಲಿಯಂ ಮತ್ತು ಗ್ಯಾಸ್ ಚಿಲ್ಲರೆ ಮತ್ತು ಸಂಗ್ರಹಣಾ ಔಟ್ ಲೆಟ್ ಗಳಿಗೆ ವಿನಾಯಿತಿ
►ಕೋಲ್ಡ್ ಸ್ಟೋರೇಜ್ ಮತ್ತು ಉಗ್ರಾಣ ಸೇವೆಗಳಿಗೆ ವಿನಾಯಿತಿ
►ಖಾಸಗಿ ಭದ್ರತಾ ಸೇವೆಗಳಿಗೆ ವಿನಾಯಿತಿ
►ಅಗತ್ಯ ಸಾಮಗ್ರಿಗಳ ತಯಾರಿಕೆಗೆ ಅವಕಾಶ
►ರಾಜ್ಯ ಸರಕಾರಗಳಿಂದ ಅನುಮತಿ ಪಡೆದ ಬಳಿಕ ನಿರಂತರ ಚಾಲನೆಯಲ್ಲಿರಬೇಕಾದ ಉತ್ಪಾದನಾ ಘಟಕಗಳಿಗೆ ಅವಕಾಶ
►ಅಗತ್ಯ ಸಾಮಗ್ರಿಗಳ ಸಾಗಾಟಕ್ಕೆ ಅವಕಾಶ
►ಅಗ್ನಿಶಾಮಕ, ಕಾನೂನು ಮತ್ತು ತುರ್ತು ಸೇವೆಗಳ ಸಾಗಾಟಕ್ಕೆ ಅವಕಾಶ
►ಲಾಕ್ ಡೌನ್ ನಿಂದ ಸಂಕಷ್ಟದಲ್ಲಿರುವ ಪ್ರವಾಸಿಗರಿಗೆ , ಜನರಿಗೆ, ವೈದ್ಯಕೀಯ ಮತ್ತು ತುರ್ತು ಸೇವೆಗಳ ಸಿಬ್ಬಂದಿ, ವೈಮಾನಿಕ ಮತ್ತು ನೌಕಾ ಸಿಬ್ಬಂದಿಗೆ ವಸತಿ ಕಲ್ಪಿಸುವ ಹೊಟೇಲ್ ಗಳು, ಹೋಂ ಸ್ಟೇಗಳು , ಲಾಡ್ಜ್ ಗಳು ಮತ್ತು ಮೊಟೇಲ್ ಗಳಿಗೆ ಅವಕಾಶ.
►ಕ್ವಾರಂಟೈನ್ ಸೇವೆಗಳಿಗೆ ಗುರುತಿಸಲಾದ ಬಳಕೆಯಾಗುತ್ತಿರುವ ಕಟ್ಟಡಗಳಿಗೆ ಅವಕಾಶ
►ಪೊಲೀಸ್ , ಹೋಮ್ ಗಾರ್ಡ್ ಗಳು, ನಾಗರಿಕ ರಕ್ಷಣೆ, ಅಗ್ನಿಶಾಮಕ ಮತ್ತು ತುರ್ತು ಸೇವೆ, ವಿಪತ್ತು ನಿರ್ವಹಣೆ ಮತ್ತು ಜೈಲುಗಳಿಗೆ ವಿನಾಯಿತಿ
►ಜಿಲ್ಲಾಡಳಿತ ಮತ್ತು ಖಜಾನೆಗೆ ವಿನಾಯಿತಿ
►ವಿದ್ಯುತ್ , ನೀರು ಸರಬರಾಜು ಮತ್ತು ಸ್ವಚ್ಛತಾ ಸೇವೆಗಳಿಗೆ ವಿನಾಯಿತಿ
ಈ ಸೇವೆಗಳಿಗೆ ಅವಕಾಶವಿಲ್ಲ
►ಖಾಸಗಿ ಮತ್ತು ವಾಣಿಜ್ಯ ಸಂಸ್ಥೆಗಳು ಬಾಗಿಲು ತೆರೆಯಲು ಅವಕಾಶವಿಲ್ಲ
►ಕೈಗಾರಿಕೆಗಳು ಬಂದ್
►ಎಲ್ಲಾ ಸಾರಿಗೆ ಸೇವೆಗಳು (ವೈಮಾನಿಕ, ರೈಲು, ರಸ್ತೆ)ಗಳು ಬಂದ್
►ಆತಿಥ್ಯ ಸೇವೆಗಳು ಬಂದ್
►ಎಲ್ಲಾ ಶೈಕ್ಷಣಿಕ, ತರಬೇತಿ, ಸಂಶೋಧನ, ಕೋಚಿಂಗ್ ಸಂಸ್ಥೆಗಳು ಬಂದ್
►ಎಲ್ಲಾ ಆರಾಧನಾ ಸ್ಥಳಗಳು ಬಂದ್, ಸಾರ್ವಜನಿಕರ ಪ್ರವೇಶಕ್ಕೆ ಅವಕಾಶವಿಲ್ಲ. ಯಾವುದೇ ಧಾರ್ಮಿಕ ಸಭೆಗಳಿಗೆ ಪ್ರವೇಶವಿಲ್ಲ. ಇದರಲ್ಲಿ ಯಾವುದೇ ವಿನಾಯಿತಿಯಿಲ್ಲ.
►ಎಲ್ಲಾ ಸಾಮಾಜಿಕ, ರಾಜಕೀಯ, ಕ್ರೀಡೆ, ಮನರಂಜನಾ , ಶೈಕ್ಷಣಿಕ, ಸಾಂಸ್ಕೃತಿಕ ಕಾರ್ಯಕ್ರಮಗಳು ಬಂದ್
►ಅಂತ್ಯಸಂಸ್ಕಾರಗಳಲ್ಲಿ 20ಕ್ಕಿಂತ ಹೆಚ್ಚು ಜನರಿಗೆ ಅವಕಾಶವಿಲ್ಲ
►ಫೆಬ್ರವರಿ 15ರ ನಂತರ ವಿದೇಶಗಳಿಂದ ಭಾರತಕ್ಕೆ ಬಂದವರು ಮತ್ತು ಯಾರಿಗೆಲ್ಲಾ ಆರೋಗ್ಯ ಸಿಬ್ಬಂದಿ ಕ್ವಾರಂಟೈನ್ ನಲ್ಲಿ ಇರಲು ಸೂಚಿಸಿದ್ದಾರೋ ಆ ನಿರ್ದಿಷ್ಟ ಅವಧಿಯವರೆಗೆ ಅವರು ಅದನ್ನು ಪಾಲಿಸಬೇಕು. ತಪ್ಪಿದಲ್ಲಿ ಐಪಿಸಿ ಸೆಕ್ಷನ್ 188ರ ಪ್ರಕಾರ ಕಾನೂನು ಕ್ರಮ
►ಭಾರತ ಸರಕಾರದ ಕಚೇರಿಗಳು , ಅದರ ಸ್ವಾಯತ್ತ ಕಚೇರಿಗಳು ಬಂದ್