varthabharthi

ಗಲ್ಫ್ ಸುದ್ದಿ

ಜನರಿಗೆ ನೀಡುವ ನಗದು ಭತ್ತೆಗೆ ಕೊಕ್ಕೆ

ಸೌದಿ ಅರೇಬಿಯಾದಲ್ಲಿ ವ್ಯಾಟ್ 3 ಪಟ್ಟು ಹೆಚ್ಚಳ

ವಾರ್ತಾ ಭಾರತಿ : 11 May, 2020

ರಿಯಾದ್ (ಸೌದಿ ಅರೇಬಿಯ), ಮೇ 11: ಕೊರೋನ ವೈರಸ್ ಆರ್ಥಿಕತೆಯ ಮೇಲೆ ನೀಡಿರುವ ಹೊಡೆತದ ಪರಿಣಾಮಗಳನ್ನು ಎದುರಿಸುವುದಕ್ಕಾಗಿ ಸೌದಿ ಅರೇಬಿಯದಲ್ಲಿ ಮೌಲ್ಯ ವರ್ಧಿತ ತೆರಿಗೆ (ವ್ಯಾಟ್)ಯು ಮೂರು ಪಟ್ಟಾಗಲಿದೆ ಹಾಗೂ ನಾಗರಿಕರಿಗೆ ನೀಡಲಾಗುತ್ತಿದ್ದ ತಿಂಗಳ ನಗದು ಭತ್ತೆಯನ್ನು ರದ್ದುಪಡಿಸಲಾಗುವುದು ಎಂದು ಹಣಕಾಸು ಸಚಿವ ಮುಹಮ್ಮದ್ ಅಲ್-ಜದಾನ್ ಸೋಮವಾರ ಹೇಳಿದ್ದಾರೆ.

ಜೀವನ ವೆಚ್ಚ ಭತ್ತೆಯನ್ನು 2020 ಜೂನ್‌ನಿಂದ ನಿಲ್ಲಿಸಲು ಹಾಗೂ ಜುಲೈ 1ರಿಂದ ವ್ಯಾಟನ್ನು 5 ಶೇಕಡದಿಂದ 15 ಶೇಕಡಕ್ಕೆ ಏರಿಸಲು ನಿರ್ಧರಿಸಲಾಗಿದೆ ಎಂದು ಹಣಕಾಸು ಸಚಿವರು ಹೇಳಿದ್ದಾರೆ ಎಂದು ದೇಶದ ಅಧಿಕೃತ ಸುದ್ದಿಸಂಸ್ಥೆ ಸೌದಿ ಪ್ರೆಸ್ ಏಜನ್ಸಿ ವರದಿ ಮಾಡಿದೆ.

ನೋವೆಲ್-ಕೊರೋನ ವೈರಸ್ ಮತ್ತು ಇಳಿಯುತ್ತಿರುವ ತೈಲ ಬೆಲೆ ನೀಡಿರುವ ಅವಳಿ ಆಘಾತವನ್ನು ಎದುರಿಸಲು ಖರ್ಚು ಕಡಿಮೆ ಮಾಡುವ ತುರ್ತು ಯೋಜನೆಗಳನ್ನು ಸರಕಾರ ರೂಪಿಸುತ್ತಿದೆ ಹಾಗೂ ಇದು ಯಾತನಾದಾಯಕ ಮತ್ತು ಕಠಿಣವಾಗಿರಬಹುದು ಎಂಬ ಎಚ್ಚರಿಕೆಯನ್ನು ಸರಕಾರ ಕಳೆದ ವಾರ ನೀಡಿತ್ತು.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)