ಪ್ರಾಯೋಗಿಕ ಲಸಿಕೆಯಿಂದ ಇಲಿಗಳಲ್ಲಿ ಕೊರೋನ ವಿರುದ್ಧ ಪ್ರತಿಕಾಯ ಸೃಷ್ಟಿ
ಔಷಧ ತಯಾರಿಕಾ ಸಂಸ್ಥೆ ಘೋಷಣೆ
ವಾಶಿಂಗ್ಟನ್, ಮೇ 21: ಕೋವಿಡ್-19 ಕಾಯಿಲೆ ಬರದಂತೆ ತಡೆಯುವ ತನ್ನ ಪ್ರಾಯೋಗಿಕ ಲಸಿಕೆಯು ಇಲಿಗಳು ಮತ್ತು ಪ್ರಯೋಗಪಶುಗಳಲ್ಲಿ ರಕ್ಷಣಾತ್ಮಕ ಪ್ರತಿಕಾಯಗಳು ಮತ್ತು ರೋಗ ನಿರೋಧಕ ವ್ಯವಸ್ಥೆಯನ್ನು ಸೃಷ್ಟಿಸಿರುವುದು ಪತ್ತೆಯಾಗಿದೆ ಎಂದು ಅಮೆರಿಕದ ಕಂಪೆನಿ ಇನೋವಿಯೊ ಫಾರ್ಮಾಸ್ಯೂಟಿಕಲ್ಸ್ ಬುಧವಾರ ತಿಳಿಸಿದೆ.
ಇದರ ಬೆನ್ನಿಗೇ, ಕಂಪೆನಿಯ ಶೇರುಗಳು 17.7 ಶೇಕಡದಷ್ಟು ಜಿಗಿದು 17.13 ಡಾಲರ್ (ಸುಮಾರು 1,290 ರೂಪಾಯಿ)ಗೆ ತಲುಪಿದವು.
ಇಲಿಗಳು ಮತ್ತು ಪ್ರಯೋಗಪಶುಗಳಲ್ಲಿ ನಾವು ಪ್ರತಿಕಾಯಗಳ ಪ್ರತಿಕ್ರಿಯೆಗಳನ್ನು ನೋಡಿದ್ದೇವೆ. ಸಂಭಾವ್ಯ ಲಸಿಕೆಯಲ್ಲಿ ಏನಿರಬೇಕೆಂದು ನಾವು ಬಯಸಿದ್ದೇವೆಯೋ ಅವುಗಳೆಲ್ಲವೂ ಇದರಲ್ಲಿವೆ ಎಂದು ವಿಸ್ಟಾರ್ ಇನ್ಸ್ಟಿಟ್ಯೂಟ್ನಲ್ಲಿ ಲಸಿಕೆ ಮತ್ತು ರೋಗನಿರೋಧಕ ಚಿಕಿತ್ಸೆ ಕೇಂದ್ರದ ನಿರ್ದೇಶಕ ಡಾ. ಡೇವಿಡ್ ವೇನರ್ ತಿಳಿಸಿದರು. ಈ ಸಂಸ್ಥೆಯು ಇನೋವಿಯೊ ಫಾರ್ಮಾಸ್ಯೂಟಿಕಲ್ಸ್ನೊಂದಿಗೆ ಹೊಂದಾಣಿಕೆ ಮಾಡಿಕೊಂಡಿದೆ.
ಮಾನವ ದೇಹದಲ್ಲಿ ವೈರಸ್ಗೆ ಸುರಕ್ಷಿತ ಆಶ್ರಯ ಲಭಿಸುವುದನ್ನು ತಡೆಯುವ ಪದಾರ್ಥ ನಮ್ಮ ಕಣ್ಣೆದುರಿದೆ ಎಂದರು.