ಸೌರಭ್ ವರ್ಮಾ ಸೆಮಿಫೈನಲ್ಗೆ
ಹೈದರಾಬಾದ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿ
ಹೈದರಾಬಾದ್, ಆ.9: ಸೌರಭ್ ವರ್ಮಾ ಅವರು ಹೈದರಾಬಾದ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಮೆಂಟ್ನ ಪುರುಷರ ಸಿಂಗಲ್ಸ್ನಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.
ಶುಕ್ರವಾರ ನಡೆದ ಕ್ವಾರ್ಟರ್ ಫೈನಲ್ನಲ್ಲಿ ಸೌರಭ್ ವರ್ಮಾ ಅವರು ಅಜಯ್ ಜಯರಾಮ್ ವಿರುದ್ಧ 21-18, 21-9 ಅಂತರದಲ್ಲಿ ಜಯ ಗಳಿಸಿ ಸೆಮಿಫೈನಲ್ ತಲುಪಿದರು.
ಸೌರಭ್ ವರ್ಮಾ ಟೂರ್ನಮೆಂಟ್ನ ಸಿಂಗಲ್ಸ್ನಲ್ಲಿ ಉಳಿದಿರುವ ಭಾರತದ ಏಕೈಕ ಆಟಗಾರ. ಪುರುಷರ ಸಿಂಗಲ್ಸ್ನ ಇನ್ನೊಂದು ಕ್ವಾರ್ಟರ್ ಫೈನಲ್ನಲ್ಲಿ ಸಿಂಗಾಪುರದ ಲೊಹ್ ಕೆಯನ್ ಯೆವ್ ಅವರು 5ನೇ ಶ್ರೇಯಾಂಕದ ಶುಭಾಂಕರ್ ದೇವ್ ವಿರುದ್ಧ 21-11, 21-16 ಅಂತರದಲ್ಲಿ ಜಯ ಗಳಿಸಿದರು. ಮಹಿಳೆಯರ ಡಬಲ್ಸ್ನಲ್ಲಿ ಅಶ್ವಿನಿ ಪೊನ್ನಪ್ಪ ಮತ್ತು ಎನ್.ಸಿಕ್ಕಿ ರೆಡ್ಡಿ ಅವರು ಭಾರತದ ಜೆ ಮೇಘನಾ ಮತ್ತು ಪೂರ್ವೆಶಾ ಎಸ್. ರಾಮ್ ವಿರುದ್ದ 21-16, 21-15 ಅಂತರದಲ್ಲಿ ಜಯ ಗಳಿಸಿದರು.
Next Story