varthabharthi


ರಾಷ್ಟ್ರೀಯ

ತಮ್ಮ ವಿರುದ್ಧದ ಐಟಿ ದಾಳಿಯ ಕುರಿತು ನಟಿ ತಾಪ್ಸಿ ಪನ್ನು ಪ್ರತಿಕ್ರಿಯೆ ಏನು ಗೊತ್ತೇ?

ವಾರ್ತಾ ಭಾರತಿ : 6 Mar, 2021

ಮುಂಬೈ : "ಪ್ಯಾರಿಸ್‍ನಲ್ಲಿ ನಾನು ಹೊಂದಿದ್ದೇನೆಂದು ಹೇಳಲಾದ ಬಂಗಲೆಯ ಕೀ, ನಾನು ಪಡೆದಿದ್ದೇನೆಂದು ಹೇಳಲಾಗಿರುವ ರೂ 5 ಕೋಟಿ ಹಣದ ರಶೀದಿ ಹಾಗೂ  2013 ದಾಳಿಯ ನೆನಪು" ಇವುಗಳು ನಟಿ ತಾಪ್ಸೀ ಪನ್ನು ಅವರ  ನಿವಾಸದ ಮೇಲೆ ನಡೆದ ಐಟಿ ದಾಳಿಗಳ ವೇಳೆ ಇಲಾಖೆ ಕಂಡುಕೊಂಡ ವಸ್ತುಗಳು ಎಂದು ನಟಿ ಇಂದು ಮೂರು ಟ್ವೀಟ್‍ಗಳಲ್ಲಿ ಹೇಳಿಕೊಂಡಿದ್ದಾರೆ ಹಾಗೂ  ತಮ್ಮ ಕೊನೆಯ ಟ್ವೀಟ್ ಅನ್ನು "ನಾಟ್ ಸೋ ಸಸ್ತೀ ಎನಿಮೋರ್" ಎಂದು ಅಂತ್ಯಗೊಳಿಸಿದ್ದಾರೆ.

ತೆರಿಗೆ ವಂಚನೆ ಆರೋಪದ ಮೇಲೆ ತನಗೆ ಸೇರಿದ ಹಲವು ಆಸ್ತಿಗಳ ಮೇಲೆ ಐಟಿ ದಾಳಿಗಳು ನಡೆದ ಮೂರು ದಿನಗಳ ತರುವಾಯ ತಾಪ್ಸೀ ಟ್ವೀಟ್ ಮಾಡಿದ್ದಾರೆ.

"ಮೂರು ದಿನಗಳ ಸತತ ಶೋಧನೆ, ಮೂಲತಃ ಮೂರು  ವಸ್ತುಗಳು ನಾನು ಪ್ಯಾರಿಸ್‍ನಲ್ಲಿ ಒಡೆತನ ಹೊಂದಿದ್ದೇನೆಂದು ಹೇಳಲಾಗಿರುವ  ಬಂಗಲೆಯ ಬೀಗದ ಕೈ, ಏಕೆಂದರೆ ಬೇಸಿಗೆ ರಜಾಗಳು ಹತ್ತಿರದಲ್ಲಿಯೇ ಇವೆ. ರೂ 5 ಕೋಟಿ ಪಡೆದಿದ್ದೇನೆಂದು ತಿಳಿಸುವ ರಶೀದಿಯನ್ನು ಫ್ರೇಮ್ ಹಾಕಿ ಇಡಲು, ಏಕೆಂದರೆ  ಆ ಹಣವನ್ನು ನನಗೆ ಹಿಂದೆ ನಿರಾಕರಿಸಲಾಗಿತ್ತು?'' ಎಂದು ತಾಪ್ಸೀ ವ್ಯಂಗ್ಯವಾಗಿ ತಮ್ಮ ಎರಡನೇ ಟ್ವೀಟ್‍ನಲ್ಲಿ ಬರೆದಿದ್ದಾರೆ.

ತಾಪ್ಸೀ ಮೇಲೆ ನಡೆದ ಐಟಿ ದಾಳಿ ವೇಳೆ ಚಿತ್ರ ತಯಾರಕ ಅನುರಾಗ್ ಕಶ್ಯಪ್  ಮೇಲೂ ಐಟಿ ದಾಳಿ ನಡೆದಿತ್ತು. ಇಬ್ಬರೂ ಸರಕಾರದ ಕಟು ಟೀಕಾಕಾರರಾಗಿದ್ದಾರಲ್ಲದೆ ರೈತಪ್ರತಿಭಟನೆಗಳ ಬೆಂಬಲಿಗರೂ ಆಗಿದ್ದಾರೆಂಬುದುನ್ನು ಇಲ್ಲಿ ಸ್ಮರಿಸಬಹುದು.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)