varthabharthi


ಕ್ರೀಡೆ

ಕೋವಿಡ್ ಪರಿಹಾರ ನಿಧಿಗಾಗಿ ವಿಶ್ವನಾಥನ್, ಇತರ ನಾಲ್ವರು ಗ್ರ್ಯಾಂಡ್ ಮಾಸ್ಟರ್ ಗಳಿಂದ ಆನ್ ಲೈನ್ ಪಂದ್ಯಾಟ

ವಾರ್ತಾ ಭಾರತಿ : 11 May, 2021

ಹೊಸದಿಲ್ಲಿ: ಐದು ಬಾರಿಯ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ಹಾಗೂ ಇತರ ನಾಲ್ವರು ಭಾರತೀಯ ಗ್ರ್ಯಾಂಡ್‌ಮಾಸ್ಟರ್‌ಗಳು ದೇಶದಲ್ಲಿ ಕೋವಿಡ್ -19 ಪರಿಹಾರ ಕಾರ್ಯಗಳಿಗಾಗಿ ಹಣ ಸಂಗ್ರಹಿಸಲು ಗುರುವಾರ ಇತರ ಚೆಸ್ ಆಟಗಾರರೊಂದಿಗೆ ಏಕಕಾಲದಲ್ಲಿ ಆನ್‌ಲೈನ್ ಪ್ರದರ್ಶನ ಪಂದ್ಯಗಳಲ್ಲಿ ಆಡಲಿದ್ದಾರೆ.

ಚೆಸ್ ಡಾಟ್ ಕಾಮ್ ಬ್ಲಿಟ್ಜ್ ಅಥವಾ ಫಿಡೆ ಸ್ಟ್ಯಾಂಡರ್ಡ್ ರೇಟಿಂಗ್ ನಲ್ಲಿ 2000 ಕ್ಕಿಂತ ಕಡಿಮೆ ಇರುವ ಯಾವುದೇ ಆಟಗಾರ ಮಾಜಿ ವಿಶ್ವ ಚಾಂಪಿಯನ್ ಆನಂದ್ ಜೊತೆ ಆಡಲು 150 ಅಮೆರಿಕನ್ ಡಾಲರ್ ಹಾಗೂ ಇತರ ನಾಲ್ವರು ಜಿಎಂಗಳೊಂದಿಗೆ ಆಡಲು 25 ಅಮೆರಿಕನ್ ಡಾಲರ್ ನೋಂದಣಿ ಮೊತ್ತವಾಗಿ ಪಾವತಿಸುವ ಮೂಲಕ ಆಡಬಹುದು.

ಚೆಸ್ ಡಾಟ್ ಕಾಮ್ ನಲ್ಲಿ ಪ್ರಸಾರವಾಗುವ ಪ್ರದರ್ಶನ ಪಂದ್ಯಗಳ ವೇಳೆ ದೇಣಿಗೆ ಸ್ವೀಕರಿಸಲಾಗುವುದು.

ಒಟ್ಟು 10,000 ಡಾಲರ್‌ಗಳವರೆಗಿನ ಎಲ್ಲಾ ದೇಣಿಗೆಗಳಿಗೆ ಇದು ಹೊಂದಿಕೆಯಾಗಲಿದೆ ಎಂದು ವೆಬ್‌ಸೈಟ್ ಹೇಳಿದೆ. ಆನಂದ್, ಕೊನೆರು ಹಂಪಿ, ದ್ರೋಣವಳ್ಳಿ ಹರಿಕಾ, ನಿಹಾಲ್ ಸರಿನ್ ಹಾಗೂ  ಪ್ರಗ್ನಾನಂದ ರಮೇಶ್‌ಬಾಬು ಒಳಗೊಂಡ ಏಕಕಾಲಿಕ ಪ್ರದರ್ಶನಗಳಿಂದ ಬರುವ ಎಲ್ಲಾ ಆದಾಯವು ರೆಡ್‌ಕ್ರಾಸ್ ಇಂಡಿಯಾ ಹಾಗೂ  ಅಖಿಲ ಭಾರತದ ಚೆಕ್‌ಮೇಟ್ ಕೋವಿಡ್ ಉಪಕ್ರಮ ಚೆಸ್ ಫೆಡರೇಶನ್ (ಎಐಸಿಎಫ್)ಗೆ ಸೇರಲಿದೆ.

"ಕೋವಿಡ್ -19 ವಿರುದ್ಧ ಭಾರತ ತೀವ್ರವಾಗಿ ಹೋರಾಡುತ್ತಿದೆ ಎಂದು ನಮಗೆಲ್ಲರಿಗೂ ತಿಳಿದಿದೆ. ಈ ಸಮಯದಲ್ಲಿ, ನಾವೆಲ್ಲರೂ ಒಂದು ರೀತಿಯಲ್ಲಿ ಬಾಧಿತರಾಗಿದ್ದೇವೆ. ಯುವಕ ಅಥವಾ ವಯಸ್ಸಾದ ಒಬ್ಬನೇ ಒಬ್ಬ ವ್ಯಕ್ತಿ ಸೋಂಕಿನಿಂದ ಬಾಧಿತನಾಗಿಲ್ಲ ಎಂದು ನಾನು ಭಾವಿಸುವುದಿಲ್ಲ'' ಎಂದು  ಚೆಸ್ ಡಾಟ್ ಕಾಂನಲ್ಲಿ ಪೋಸ್ಟ್ ಮಾಡಿದ ವೀಡಿಯೊ ಸಂದೇಶದಲ್ಲಿ ಆನಂದ್ ಹೇಳಿದರು.

"ನಾವು ಭಾರತದಲ್ಲಿ ಕೋವಿಡ್ ಪರಿಹಾರ ಕಾರ್ಯಕ್ರಮವನ್ನು ಬೆಂಬಲಿಸೋಣ. ನೀವು ಭಾರತದ ಕೆಲವು ಅತ್ಯುತ್ತಮ ಗ್ರಾಂಡ್‌ಮಾಸ್ಟರ್‌ಗಳೊಂದಿಗೆ ಆಡಬಹುದು.  ಚೆಸ್ ಡಾಟ್ ಕಾಮ್ ನಿಮ್ಮ ದೇಣಿಗೆಗಳನ್ನು ಸಂಗ್ರಹಿಸುತ್ತಿದೆ. ದಯವಿಟ್ಟು ಈ ಗುರುವಾರ ಚೆಕ್‌ಮೇಟ್ ಕೋವಿಡ್‌ನಲ್ಲಿ ಭಾಗವಹಿಸಲು ಸೈನ್ ಅಪ್ ಮಾಡಿ. ಇದು ನಮ್ಮ ಚೆಸ್ ಭ್ರಾತೃತ್ವದ ಅಲ್ಪ ಕೊಡುಗೆಯಾಗಿದೆ'' ಎಂದು ಆನಂದ್ ಹೇಳಿದರು.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)