ಉಡುಪಿ, ಜು.20: ಸೋಮವಾರ ಮುಂಜಾನೆಯಿಂದ ಗೋವಾ ರಾಜ್ಯದ ಹಳೆ ಗೋವಾ ಸುರಂಗದ ಕರ್ಮಾಲಿ ಹಾಗೂ ತೀಮಿಮ್ ನಿಲ್ದಾಣಗಳ ನಡುವೆ ಭಾರೀ ಮಳೆಯಿಂದ ರೈಲು ಹಳಿ ಮೇಲೆ ಬಿದ್ದಿದ್ದ ಕೆಸರು ಹಾಗೂ ನೀರನ್ನು ತೆರವುಗೊಳಿಸಿ ಹಳಿಯನ್ನು ಸಂಚಾರಕ್ಕೆ ಅಣಿಗೊಳಿಸಿದ್ದು, ಸೋಮವಾರ ರಾತ್ರಿ 10:30ರಿಂದ ರೈಲುಗಳು ಸಂಚಾರಕ್ಕೆ ತಾಂತ್ರಿಕ ಸಮಿತಿ ಹಸಿರು ನಿಶಾನೆ ತೋರಿಸಿದೆ ಎಂದು ಕೊಂಕಣ ರೈಲ್ವೆ ಪ್ರಕಟನೆ ತಿಳಿಸಿದೆ.

ಹೀಗಾಗಿ ಇಂದಿನಿಂದ ಕೊಂಕಣ ರೈಲು ಮಾರ್ಗದಲ್ಲಿ ಹೋಗುವ ಮತ್ತು ಬರುವ ರೈಲುಗಳ ಓಡಾಟ ಯಥಾಸ್ಥಿತಿಗೆ ಬಂದಿದೆ ಎಂದು ಪ್ರಕಟನೆ ತಿಳಿಸಿದೆ.