varthabharthi


ಅಂತಾರಾಷ್ಟ್ರೀಯ

ಇಸ್ರೇಲ್ ಗೆ ಅಧಿಕೃತ ವೀಕ್ಷಕ ಸ್ಥಾನಮಾನ ನೀಡಿದ ಆಫ್ರಿಕನ್ ಯೂನಿಯನ್

ವಾರ್ತಾ ಭಾರತಿ : 23 Jul, 2021

photo :twitter/@yairlapid

ಜೆರುಸಲೇಂ, ಜು.23: ಇಸ್ರೇಲ್ ಗೆ ಅಧಿಕೃತ ವೀಕ್ಷಕ ಸ್ಥಾನಮಾನ ನೀಡುವುದಾಗಿ ಆಫ್ರಿಕನ್ ಯೂನಿಯನ್ ಘೋಷಿಸಿದ್ದು, ಇದು ಇಸ್ರೇಲ್- ಆಫ್ರಿಕ ಸಂಬಂಧದಲ್ಲಿ ಸಂಭ್ರಮದ ದಿನವಾಗಿದೆ ಎಂದು ಇಸ್ರೇಲ್ ನ ವಿದೇಶ ವ್ಯವಹಾರ ಸಚಿವ ಯಾಯಿರ್ ಲ್ಯಾಪಿಡ್ ಹೇಳಿದ್ದಾರೆ.

ಇಥಿಯೋಪಿಯಾ, ಬುರುಂಡಿ ಮತ್ತು ಚಾಡ್ ಗೆ ಇಸ್ರೇಲ್ ನ ರಾಯಭಾರಿಯಾಗಿರುವ ಅಲೇಲಿ ಅಡ್ಮಸು ತನ್ನ ಪರಿಚಯ ಪತ್ರವನ್ನು ಇಥಿಯೋಪಿಯಾದ ರಾಜಧಾನಿ ಅದ್ದೀಸ್ ಅಬಾಬದಲ್ಲಿ ಆಫ್ರಿಕನ್ ಯೂನಿಯನ್ ಆಯೋಗದ ಅಧ್ಯಕ್ಷ ಮೂಸ್ಸಾ ಫಕಿ ಮಹಮತ್ ಗೆ ಹಸ್ತಾಂತರಿಸುವ ಮೂಲಕ ಈ ಕ್ರಮವನ್ನು ಅಧಿಕೃತಗೊಳಿಸಿದರು ಎಂದು ವರದಿ ತಿಳಿಸಿದೆ. ಇದೀಗ ಇಸ್ರೇಲ್ 46 ಆಫ್ರಿಕಾ ದೇಶಗಳೊಂದಿಗೆ ರಾಜತಾಂತ್ರಿಕ ಸಂಬಂಧ ಹೊಂದಿದೆ ಎಂದು ಇಸ್ರೇಲ್ ಮೂಲಗಳು ಹೇಳಿವೆ.

ಆಫ್ರಿಕನ್ ಯೂನಿಯನ್ ಗೆ ಈ ಹಿಂದೆ ಆರ್ಗನೈಸೇಷನ್ ಆಫ್ ಆಫ್ರಿಕನ್ ಯುನಿಟಿ(ಒಎಯು) ಎಂಬ ಹೆಸರಿದ್ದಾಗ ಇಸ್ರೇಲ್ಗೆ ಅಧಿಕೃತ ವೀಕ್ಷಕ ಸ್ಥಾನಮಾನವಿತ್ತು. ಆದರೆ 2002ರಲ್ಲಿ ಒಎಯು ವಿಸರ್ಜನೆಯಾದಾಗ ಇದನ್ನು ಹಿಂಪಡೆಯಲಾಗಿತ್ತು. 2 ದಶಕಗಳಿಂದ ನೆಲೆಸಿದ್ದ ಅಸಮಂಜತೆ ಇದೀಗ ಸರಿಯಾಗಿದ್ದು ಇಸ್ರೇಲ್ ನ ವಿದೇಶಿ ಸಂಬಂಧದ ಚೌಕಟ್ಟನ್ನು ಸದೃಢಗೊಳಿಸಲು ಈ ಉಪಕ್ರಮ ಪ್ರಮುಖವಾಗಿದೆ ಎಂದು ಇಸ್ರೇಲ್ ವಿದೇಶ ವ್ಯವಹಾರ ಇಲಾಖೆ ಹೇಳಿದೆ.

ಇಸ್ರೇಲ್ ಗೆ ಅಧಿಕೃತ ವೀಕ್ಷಕರ ಸ್ಥಾನಮಾನದ ಮರುಸ್ಥಾಪನೆಯಿಂದ ಉಭಯ ದೇಶಗಳ ನಡುವೆ ವಿವಿಧ ವಿಷಯಗಳಲ್ಲಿ ಬಲಿಷ್ಟ ಸಹಕಾರ ಸಂಬಂಧ ರೂಪುಗೊಳ್ಳಲಿದೆ ಎಂದುಆಫ್ರಿಕನ್ ಯೂನಿಯನ್ ಹೇಳಿಕೆ ನೀಡಿದೆ.

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

Comments (Click here to Expand)