ಇಲೆಕ್ಟ್ರಿಕ್ ಪ್ರಯಾಣಿಕ ವಿಮಾನದ ಪ್ರಯೋಗಾರ್ಥ ಪರೀಕ್ಷೆ ಯಶಸ್ವಿ

ವಾಷಿಂಗ್ಟನ್, ಸೆ.29: ಇಂಗಾಲದ ಮಾಲಿನ್ಯ ಮುಕ್ತ ವಾಯುಯಾನದೆಡೆಗಿನ ಪ್ರಯಾಣದಲ್ಲಿ ಒಂದು ಪ್ರಮುಖ ಮೈಲುಗಲ್ಲನ್ನು ಸಾಧಿಸಲಾಗಿದ್ದು ಅಮೆರಿಕದ ನವೋದ್ಯಮ ಸಂಸ್ಥೆಯೊಂದು ಸಂಪೂರ್ಣವಾಗಿ ವಿದ್ಯುತ್ನಿಂದ ಚಲಿಸುವ ಪ್ರಯಾಣಿಕರ ವಿಮಾನದ ಪ್ರಯೋಗಾರ್ಥ ಪರೀಕ್ಷೆಯನ್ನು ಯಶಸ್ವಿಯಾಗಿ ನಡೆಸಿದೆ.

ಆಲಿಸ್ ಎಂಬ ಹೆಸರಿನ ಈ ಇಲೆಕ್ಟ್ರಿಕ್ ವಿಮಾನದಲ್ಲಿ 9 ಪ್ರಯಾಣಿಕರು, ಒಂದು ಅಥವಾ 2 ಪೈಲಟ್‌ಗಳು ಪ್ರಯಾಣಿಸಬಹುದು. ಗಂಟೆಗೆ 240ರಿಂದ 400 ಕಿ.ಮೀ ವೇಗದಲ್ಲಿ ಇದು ಚಲಿಸಬಹುದು. ಮಂಗಳವಾರ ನಡೆದ ಪ್ರಯೋಗಾರ್ಥ ಪರೀಕ್ಷೆಯಲ್ಲಿ ಈ ವಿಮಾನ 3,500 ಅಡಿ ಎತ್ತರಕ್ಕೆ ಏರಿ 8 ನಿಮಿಷದ ಪ್ರಯಾಣದ ಬಳಿಕ ಸುರಕ್ಷಿತವಾಗಿ ಭೂಮಿಗೆ ಇಳಿದಿದೆ ಎಂದು ‘ಸಿಯಾಟಲ್ ಟೈಮ್ಸ್’ ವರದಿ ಮಾಡಿದೆ. ಇಂದು ನಾವು ವಾಯುಯಾನದ ಮುಂದಿನ ಯುಗಕ್ಕೆ ಕಾಲಿರಿಸಿದ್ದೇವೆ ಎಂದು ವಿಮಾನಯಾನ ಮುಖ್ಯಸ್ಥ ಗ್ರೆಗೊರಿ ಡೇವಿಸ್ ಹೇಳಿದ್ದಾರೆ.

Today, our all-electric Alice aircraft electrified the skies and embarked on an unforgettable world’s first flight. See Alice make history in the video clip below. We’re honored to celebrate this groundbreaking leap towards a more #sustainable future.#electricaviation pic.twitter.com/Q9dFoTPyiB

— Eviation Aircraft (@EviationAero) September 27, 2022