ಫುಟ್ಬಾಲ್ ಸ್ಟೇಡಿಯಂನಲ್ಲಿ ಕಾಲ್ತುಳಿತ: ಕನಿಷ್ಠ 9 ಮಂದಿ ಮೃತ್ಯು
ಸಾಲ್ವಡಾರ್ (ಅಲ್ ಸಾಲ್ವಡಾರ್): ಸಾಲ್ವಡಾರ್ ಲೀಗ್ನಲ್ಲಿ ಶನಿವಾರ ನಡೆದ ಕ್ವಾರ್ಟರ್ಫೈನಲ್ ಪಂದ್ಯದ ಪ್ರವೇಶ ಗೇಟ್ಗಳಲ್ಲಿ ನಡೆದ ಕಾಲ್ತುಳಿತದಲ್ಲಿ ಕನಿಷ್ಠ ಒಂಬತ್ತು ಜನರು ಸಾವನ್ನಪ್ಪಿದ್ದಾರೆ ಮತ್ತು ಡಝನ್ ಗಟ್ಟಲೆ ಜನರು ಗಾಯಗೊಂಡಿದ್ದಾರೆ.
ರಾಜಧಾನಿಯ ಈಶಾನ್ಯಕ್ಕೆ ಸುಮಾರು 25 ಮೈಲಿ (41 ಕಿಲೋಮೀಟರ್) ದೂರದಲ್ಲಿರುವ ಕುಸ್ಕಾಟ್ಲಾನ್ನ ಸ್ಮಾರಕ ಕ್ರೀಡಾಂಗಣದಲ್ಲಿ ಅಲಿಯಾಂಝಾ ಹಾಗೂ ಎಫ್ಎಎಸ್ ಕ್ಲಬ್ಗಳ ನಡುವಿನ ಪಂದ್ಯದ ವೇಳೆ ನಡೆದ ಕಾಲ್ತುಳಿತದಲ್ಲಿ ಒಂಬತ್ತು ಮಂದಿ ಸಾವನ್ನಪ್ಪಿದ್ದಾರೆ ಎಂದು ಟ್ವಿಟರ್ ಮೂಲಕ ಪ್ರಾಥಮಿಕ ವರದಿಯಲ್ಲಿ ರಾಷ್ಟ್ರೀಯ ಸಿವಿಲ್ ಪೊಲೀಸರು ತಿಳಿಸಿದ್ದಾರೆ.
ಆಸ್ಪತ್ರೆಗೆ ಸಾಗಿಸಲಾದ ಗಾಯಾಳುಗಳಲ್ಲಿ ಕನಿಷ್ಠ ಇಬ್ಬರ ಸ್ಥಿತಿ ಚಿಂತಾಜನಕವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಸ್ಥಳೀಯ ದೂರದರ್ಶನವು ಅಲಿಯಾಂಝಾ ಅಭಿಮಾನಿಗಳಿಂದ ಉಂಟಾದ ಕಾಲ್ತುಳಿತದ ನೇರ ಚಿತ್ರಗಳನ್ನು ಪ್ರಸಾರ ಮಾಡಿತು.
#BREAKING: Stampede at the Estadio Cuscatlán soccer stadium in San Salvador, El Salvador, has left at least nine dead, several others wounded, according to police. #BreakingNews pic.twitter.com/QuZ9RAPzWC
— Breaking 4 News (@Breaking_4_News) May 21, 2023